رینجرز کی اندرون سندھ کچے میں کارروائیاں؛ 20 لاکھ ہیڈ منی کا ملزم گرفتار

ویب ڈیسک

24th Jan, 2024. 12:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رینجرز کی اندرون سندھ کچے میں کارروائیاں؛ 20 لاکھ ہیڈ منی کا ملزم گرفتار

رینجرز نے اندرون سندھ کچے میں کارروائی کرتے ہوئے 20 لاکھ ہیڈ منی کے ملزم کو گرفتار کرلیا ہے۔

ترجمان رینجرز سندھ کے مطابق سندھ رینجرز نے اندرون سندھ کچے میں جرائم پیشہ افراد کے خلاف کارروائیاں کیں جس کے نتیجے میں ضلع شکارپور تحصیل خانپور کے علاقے گوٹھ شیر محمد بروہی سے 20 لاکھ ہیڈ منی کے ملزم چاکر کو گرفتار کرلیا گیا۔

رینجرز سندھ کے ترجمان نے بتایا ہے کہ گرفتار ملزم ڈکیتی، اغوا برائے تاوان، قتل، سہولتکاری اور مختلف جرائم میں ملوث تھا جبکہ ملزم کے قبضے سے ایس ایم جی، 12بور، 285 راؤنڈز اور موٹرسائیکل برآمد ہوئی ہے۔

ترجمان کا کہنا ہے کہ گرفتار ملزم کے خلاف مختلف تھانوں میں 15 سے زائد مقدمات درج ہیں تاہم پولیس کی جانب سے ملزم کے سر کی قیمت 20 لاکھ روپے مقرر ہوئی تھی۔

ترجمان رینجرز نے مزید کہا کہ ملزم نے پولیس کے اے ایس آئی عبدالغنی ابڑو کے قتل میں بھی ملوث ہونے کا اعتراف کرلیا ہے جبکہ مزید قانونی کارروائی کے لئے ملزم کو پولیس کے حوالے کر دیا گیا ہے۔