جڈیشنل سب جیل سجاول سے تین خطرناک قیدی جیل توڑ کر فرار ہو گئے ہیں۔
جڈیشنل سب جیل میں قید تینوں قیدی مختلف جرائم میں ملوث تھے، تاہم فرار ہونے والے قیدیوں میں رفیق مرگر، بلاول چانڈیو اور ستار مگنہار شامل ہیں۔
قیدی سجاول سب جیل کے بیرک نمبر 3 میں قید تھے، قیدی بیرک کی کھڑکی توڑ کر با اصسانی فرار ہونے کامیاب ہوگئے اور پوری رات جیل انتظامیہ کو پتا نہیں چل سکا۔
جیل انتظامیہ نے بیرکوں کا جائزہ لیا تو بیرک نمبر 3 سے قیدی غائب پا گئے، تاہم جیل سے قیدی فرار ہونے کی اطلاع پر جیل انتظامیہ کی دوڑیں لگ گئی۔
ایس ایس پی سجاول کا نوٹس
میڈیا پر قیدیوں کی فرار ہونے کی خبریں نشر ہونے کے بعد ایس ایس پی سجاول شہلا قریشی نے نوٹس لے لیا۔
آر آئی پولیس لائن سجاول سمیت سب جیل کی سیکیورٹی پر مامور تمام پولیس اسٹاف کو غفلت برتنے پر معطل کردیا ہے جبکہ مزید ڈیپارٹمنٹل انکوائری کی جاری ہے۔
انکوائری رپورٹ کے بعد ملوث پولیس اسٹاف یا جیل حکام کے خلاف قانونی کارروائی عمل میں لائی جائے گی۔
جیل سے فرار تین قیدی منشیات اور چوری کے مقدمات میں قید تھے، پہلا ملزم رفیق مرگھل تھانہ بٹھورو کرائم نمبر 1/2024 قلم 9C نارکوٹیکس ایکٹ، دوسرا ملزم بلاول چانڈیو تھانہ بٹھورو کے موٹر سائیکل چوری کے کرائم نمبر 167/2023 قلم 381,215 PPC اور تیسرا ملزم ستار منگنھار تھانہ بنوں کرائم نمبر 1/2024 قلم 3/4 peho میں ملوث تھے۔
ایس ایس پی سجاول شہلا قریشی کا کہنا ہے کہ مفرور قیدیوں کی گرفتاری کے لیے ضلع کے مختلف مقامات پر چھاپہ مار کارروائیاں رات سے ہی جاری ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News