سندھ حکومت نے سکھر میں صحافی جان محمد مہر کے قتل کی تحقیقات کیلئے مشترکہ تحقیقاتی ٹیم (جے آئی ٹی) تشکیل دے دی ہے۔

تفصیلات کے مطابق وزیراعلیٰ سندھ مراد علی شاہ نے جان محمد مہر کے قتل پر جے آئی ٹی کی تشکیل کا اعلان کیا ہے۔

صحافی جان محمد مہر کے قتل کی تحقیقات کیلئے جے آئی ٹی ایس ایس پی سکھر کی سربراہی میں تشکیل دی گئی ہے۔

جے آئی ٹی میں آئی ایس آئی، ایم آئی، آئی بی، رینجرز، ایف آئی اے اور اسپیشل برانچ کے نمائندے شامل ہیں۔

اس کے علاوہ جے آئی ٹی میں آئی ایس آئی، ایم آئی اور رینجرز کے میجر رینک کے افسران، آئی بی اور ایف آئی کے ڈپٹی ڈائریکٹر اور اسپیشل برانچ کے ایس پی لیول کے افسران بھی شامل ہونگے۔

یاد رہے کہ صحافتی تنظیموں اور سکھر پریس کلب نے جے آئی ٹی کی تشکیل کا مطالبہ کیا تھا۔

واضح رہے کہ اتوار کو سکھر میں نامعلوم افراد کی فائرنگ کے نتیجے میں صحافی جان محمد مہر جاں بحق ہوگئے تھے۔

پولیس کے مطابق صحافی جان محمد مہر پر آفس سے گھر جاتے ہوئے کوئنس روڈ پر قاتلانہ حملہ کیا گیا تھا جس کے باعث وہ زخمی ہوئے تھے اور انہیں تشویشناک حالت میں نجی اسپتال منتقل کیا گیا تھا تاہم وہ دوران علاج اسپتال میں دم توڑ گئے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں