سنجے لیلا بھنسالی کی ہدایتکاری میں بننے والی بالی ووڈ فلم بیجو باورا کی کاسٹ سے اداکارہ دیپیکا پڈوکون کو نکالے جانے کی خبریں گردش کر رہی ہیں۔
بھارتی میڈیا کی رپورٹ کے مطابق اداکارہ دیپیکا پڈوکون کم معاوضے کے باعث فلم میں اداکاری نہیں کریں گی۔
رپورٹ میں بتایا گیا کہ دیپیکا اپنے شوہر رنویر سنگھ جتنا معاوضہ لینے کا مطالبہ کررہی ہیں، اداکارہ اپنی حالیہ فلموں میں ہیرو سے زیادہ معاوضے کا مطالبہ کرتی رہی ہیں جسے قبول بھی کر لیا جاتا تھا لیکن اس بار بیجو باورا کے ہدایتکار سنجے لیلا بھنسالی نے اداکارہ کی اس درخواست کو مسترد کر دیا ہے۔
تاہم فلم کے ہدایتکار یا اداکارہ کی جانب سے اس حوالے سے کوئی تصدیقی بیان سامنے نہیں آیا ہے۔
اس سے قبل خبریں سامنے آئی تھیں کہ فلم میں رنبیر کپور کی جگہ کارتک آریان کو کاسٹ کرنے کے بارے میں سوچا جا رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News