فلم شوٹنگ کے دوران گولی چلنے سے دو لوگوں کی ہلاکت کے بعد ہالی ووڈ اسٹار نے مستقبل کے حوالے سے اہم اعلان کردیا۔
بین الاقوامی میڈیا رپورٹ کے مطابق ڈیوائن جانسن نے اعلان کیا ہے کہ میری پروڈکشن کمپنی مستقبل میں کبھی فلم شوٹنگ کے لئے اصل بندوق کا استعمال نہیں کرے گی۔
دی راک نے 20 اکتوبر کو فلم رسٹ کی شوٹنگ کے دوران اصلی پستول کی گولیاں چلنے سے دو افراد کی ہلاکت پر افسوس کا اظہار کیا اور فلموں میں اصلی پستول کے استعمال کی مخالفت کردی۔
انہوں نے کہا کہ فلم اور ٹی وی سیریز کی شوٹنگ میں اب سے ربڑ کی بندوقیں استعمال کی جائیں گی اگر اُس میں اضافی اخراجات آئے تو وہ پروڈکشن کمپنی اپنی جیب سے ہی ادا کرے گی۔
راک نے کہا کہ فلم سیٹ پر ہلاک ہونے والی خاتون کو میں ذاتی طور پر جانتا تھا، مجھے اُن کے اہل خانے کے دکھ ، درد کا احساس ہے۔
واضح رہے کہ شوٹنگ کے دوران 68 سالہ ایلیک بالڈون ایکشن سین عکس بند کروا رہے تھے جس میں پروپ گن کا استعمال کیا جانا تھا۔
اداکار نے جیسے ہی گن کا استعمال کیا تو گولی 42 سالہ خاتون کو لگی جس سے وہ ہلاک ہوگئیں اور ہدایت کار بھی فائرنگ کی زد میں آکر زخمی ہوئے جو بعد میں دوران علاج دم توڑ گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News