پاکستانی شوبز انڈسٹری کے معروف اداکار اور گلوکار فواد خان کا نیا لُک سوشل میڈیا پر زیرِ بحث آ گیا ہے جہاں ان کی تازہ تصاویر مداحوں کی توجہ کا مرکز بنی ہوئی ہیں۔
سوشل میڈیا پر وائرل ہونے والی تصاویر میں فواد خان کا انداز اور چہرے کے نقوش معمول سے کچھ مختلف دکھائی دے رہے ہیں جس پر صارفین مختلف آراء کا اظہار کر رہے ہیں۔
View this post on Instagram
کئی مداحوں نے فواد خان کے نئے انداز کو سراہتے ہوئے انہیں حسبِ روایت پرکشش قرار دیا جبکہ بعض صارفین نے تبصرہ کیا کہ ان کے چہرے کے خدوخال ترک اداکاروں سے مشابہت رکھتے ہیں۔
دوسری جانب کچھ سوشل میڈیا صارفین نے قیاس آرائیاں کرتے ہوئے دعویٰ کیا کہ اداکار نے جوان نظر آنے کے لیے کاسمیٹک طریقۂ علاج یا سرجری کا سہارا لیا ہے۔
