آج ہم آپکو بتائیں گے کہ چائے یا کافی پینے سے نیند متاثر ہوتی ہے یا نہیں۔

ایک حالیہ تحقیق کے مطابق دن بھر میں چائے یا کافی پینے والے افراد کی نیند متاثر نہیں ہوتی، البتہ ان کی نیند کا دورانیہ کم ہو سکتا ہے۔

نیند متاثر ہونے سے مراد پرسکون نیند نہ آنا ہے، یعنی ایسی نیند جس میں کچھ مسائل کی وجہ سے انسان کی آنکھ بار بار کھل جاتی ہو۔

یہ تحقیق ماہرین نے 17 کاروباری مرد حضرات پر 6 ہفتوں تک کی اور انہیں دو مختلف گروپس میں تقسیم کر کے ان کی مانیٹرنگ کی۔

تحقیق کے دوران ایک گروپ کے افراد کو رات کو شراب نوشی جبکہ دوسرے گروپ کے افراد کو دن میں کیفین یعنی چائے اور کافی استعمال کرنے کا کہا گیا اور بعد ازاں ماہرین نے ان کی نیند مانیٹر کرنے کے لیے ان کی ڈیجیٹل مانیٹرنگ کی۔

نتائج سے معلوم ہوا کہ مجموعی طور پر یہ ثابت ہوا کہ چائے یا کافی نیند کو بڑے پیمانے پر متاثر نہیں کرتے۔

ماہرین کا کہنا ہے کہ بعض افراد کی جانب سے چائے یا کافی کا ایک کپ پینے کے بعد ان کی نیند کا دورانیہ 10 منٹ کم ہوجاتا ہے۔

یعنی دن میں چائے اور کافی پینے والے افراد اگر یومیہ 4 کپ پئیں گے تو مجموعی طور پر ان کی نیند 40 منٹ تک کم ہو سکتی ہے لیکن اوسطا ایسے افراد 7 گھنٹے سے زیادہ کی نیند کرتے ہیں۔

تحقیق سے معلوم ہوا کہ دن بھر میں کام کے دوران چائے یا کافی پینے والے افراد رات میں مجموعی طور پر 7 گھنٹے 20 منٹ تک سوتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں