بچے ہو یا بڑے چاول شوق سے کھاتے ہیں۔ یہ وہ اناج ہے جو دنیا بھرمیں گندم کے بعد سب سے زیادہ کھایا جاتا ہے چاول نہ صرف ایک سستا اور قابل رسائی اناج ہے بلکہ نرم اور ذائقہ دار ہونے کی بنا پر بے حد پسند کیا جاتا ہے۔
اتنے پسند کیے جانے اور مرغوب غذا ہونے کے باوجود جب بات ڈائٹنگ کی آتی ہے تو سب سے پہلے چاو ل کھانے سے منع کیا جاتا ہے۔ کیا وزن کم کرنے کے لیے ضروری ہے کہ چاولوں کو ترک کیا جائے، ماہرین اس سلسلے میں کیا کہتے ہیں؟
ماہرین کا کہنا ہے کہ جب بات وزن کم کرنے کی ہوتو چاول اتنے غیر صحت بخش نہیں ہیں جتنا کہ انہیں سمجھا جاتا ہے آپ انہیں مختلف صحت بخش طریقوں سے اپنی غذا میں شامل کر سکتے ہیں۔
چاول مفید ہے یا مضر
چاولوں میں کاربوہائیڈریٹ کی کثیر مقدار پائی جاتی ہے ہوسکتا ہے کہ اس سے کچھ لوگوں میں وزن بڑھ جائے۔ تاہم اسے درست طریقے سے استعمال کر کے وزن کو کم بھی کیا جاسکتا ہے یہاں پر اسی حوالے چند اہم باتیں بتائی جارہی ہیں۔
کم مقدار میں کھائیں
چاول کی مقدار کم رکھیں کوشش کریں کہ دن بھر میں صرف ایک کپ پکے ہوئے چاول کھائیں اور پکانے سے بہتر ہے کہ ابال کر استعمال کریں کیونکہ اس طرح یہ زیادہ صحت بخش ہوتے ہیں۔
پلیٹ میں متوازن غذا رکھیں
وزن کم کرنے کے خواہشمند افراد آدھا پلیٹ چاول، ایک حصہ سبزیاں، اور ایک حصہ پروٹین کو اپنی پلیٹ شامل کریں اس طرح ایک غذائیت سے بھر پور اور متوازن غذا کھائیں۔
کھانے کا درست وقت
اگر آپ وزن کم کرنا چاہ رہے ہیں تو کوشش کریں کہ چاول کو ہمیشہ دوپہر کے کھانے کے ساتھ کھائیں۔ تاہم آپ اسے رات کے کھانے کے ساتھ بھی لے سکتے ہیں لیکن کم مقدار میں ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News