اسنشیل آئل کو فی زمانہ ایک خاص اہمیت حاصل ہے کیونکہ یہ مفرد مہک کی وجہ سے اروماتھراپی میں استعمال ہونے کے ساتھ روزمرہ کے کئی مسائل کو حل کرنے کی صلاحیت رکھتے ہیں۔
یہاں پر ان آئل کے چند حیران کن استعمال پیش کیے جارہے ہیں جو آپ کے کئی مسائل کو حل کرنے میں اپنی مثال نہیں رکھتے۔
فریج کی بو ختم کریں
اکثر خواتین یہ شکایت کرتی دکھائی دیتی ہیں کہ صفائی کے بعد بھی ان کے فریج سے ایک ناگوار سی مہک آتی ہے اس کے لیے لیموں کا اسنشیل آئل بہترین حل ہے۔ بیکنگ سوڈا کے ایک چھوٹے پیکٹ میں چند قطرے لیموں کے اسنشیل ڈال کر فریج میں رکھ دیں، پورا فریج مہک اٹھے گا اور بو جاتی رہے گی۔
باورچی خانہ سے کھانے کی مہک کو ختم کریں
گھروں کے باورچی خانوں میں پکائے جانے والے کچھ پکوان ایسے ہیں جن کی مہک پورے گھر میں بس جاتی ہے۔ اس کے لیے لیمن اسنشیل بہترین ثابت ہوتا ہے ایک برتن میں پانی ابالیں اور اس میں چند قطرے لیموں اسنشیل کے ڈالیں، اس کی بھاپ سے پورے گھر میں خوشبو پھیل جائے گی اور بو ختم ہوجائے گی۔
توانائی بڑھائیں
دن بھر کام کے دوران توانائی کم ہونے لگتی ہے ایسے میں کام کے لیے خود کو مزید تیار کرنے اور چوکسی بڑھانے کے لیے پیپر منٹ آئل کا انتخاب کریں، گھر میں موجود اپنے پسندیدہ ڈفیوزر میں چند قطرے پیپرمنٹ اسنشیل آئل کے شامل کریں، پیپرمنٹ آئل قدرتی طور پر ایک متحرک اثر رکھتا ہے جو آپ کو زیادہ چوکس اور توانائی بخشنے میں مدد فراہم کرتا ہے۔
متلی سے نجات
اسنشیل آئل متلی کے احساسات کو ختم کر کے پرسکون کرنے میں مدد کر سکتے ہیں، اس کے لیے ضروری ہے کہ کسی بھی اسنشیل آئل کے چند قطرے لے کر اپنے پیروں کے تلووں پر لگائیں، اور اس وقت تک آرام کریں جب تک کہ متلی کا احساس ختم نہ ہوجائے۔
جوتوں کی بو کو دور کریں
جوتوں سے بدبو ختم کرنے کے لیے بھی اسنشیل آئل کا استعمال کیا جا سکتا ہے۔ اس کے لیے ایک موزہ لے کر اس میں مٹھی بھر بیکنگ سوڈا ڈالیں، پھر کسی بھی اسنشیل آئل کے چند قطرے اس میں ڈالیں اب اس موزے کو جوتوں میں رکھ دیں تھوڑی ہی دیر میں جوتوں سے بدبو ختم ہوجائے گی۔
بیکنگ سوڈا جوتوں میں موجود اس نمی کو جذب کرتا ہے جو بدبو کا سبب بنتی ہے میں اور اسنشیل آئل بدبو کو بے اثر کرنے اور ان کا سبب بننے والے بیکٹیریا کو مارنے میں مدد دیتا ہے۔
زخمی پٹھوں کو پرسکون کریں
پٹھوں میں درد سوزش کی وجہ سے ہوتا ہے، اور سوزش کو دور کرنے کے لیے اسنشیل آئل بہترین ہے۔
ایک مٹھی Epsom نمک میں 5 قطرے کسی بھی اسنشیل ملاکر گرم پانی میں شامل کریں اور متاثرہ جگہ کو اس میں بھگودیں اس طرح درد دور ہوجاتا ہے۔
چمکدار جلد کے لیے
جلد کی چمک اور دلکشی کو بڑھانے کے لیے لیوینڈر سے بہتر کو ئی تیل نہیں ہے یہ جلد کی قدرتی چمک کو بحال کرنے میں جادوئی اثر رکھتا اپنے روزانہ استعمال کے موئسچرائزر میں صرف لیوینڈر آئل کا ایک قطرہ شامل کریں اور اپنی جلد پر مساج کریں۔
اپنی گاڑی کو مہکائیں
اگر آپ کی گاڑی میں موجود ہوا تھوڑی باسی یا اس میں بو محسوس ہونے لگے تو اپنے من پسند اسنشیل آئل کو بطور ایئر فریشنر استعمال کریں۔ اس کے لیے ایک روئی کی گیند بنائیں اور اس میں اپنے پسندیدہ تیل کے چند قطرے ڈالیں، پھر روئی کی گیند کو ہوا کے رخ پر رکھیں تھوڑی ہی دیر میں گاڑی مہک اٹھے گی ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News