روزمرہ زندگی میں اکثر ایسا ہوتا ہے کہ آپ کا موڈ کسی بھی وجہ سے خراب ہوجاتا ہے اور چھوٹی چھوٹی باتیں دل کو مزید بوجھل کرنے لگتی ہیں۔ کسی بھی کام کرنے کو جی نہیں چاہتا اور ایک طرح کی اداسی سی چھا جاتی ہے۔
اس کیفیت سے نجات کے لیے ماہرین نے چند نہایت ہی آسان سے طریقے بتائے ہیں جس پر عمل کر کے آپ اس کیفیت کو چند سیکنڈ میں دور کر سکتے ہیں اور اپنے مزاج کو بہتر بنا سکتے ہیں۔
موڈ بہتر والی ٹپس اور ٹرکس
آپ ان میں کوئی ایک یا ایک سے زیادہ پر عمل کر کے خود کو بہتر محسوس کروا سکتے ہیں۔
اپنے پرانے دوست کے ساتھ ماضی میں ایک ساتھ گزارے ہوئے وقت کی یاد شیئر کریں۔
مسکرائیں، خود ساختہ مسکراہٹ جو بنا کسی وجہ کے ہو دماغ میں خوش کرنے والے کیمیکلز کو متحرک کرنے میں مدد دیتی ہے۔
اپنے من پسند ٹی وی شو یا ڈرامے کی کوئی قسظ دیکھیں۔
کسی کی بھی تعریف کریں کیونکہ تعریف کرنے کے بعد جواب میں آپ کو اپنے بارے اچھی رائے سننے کو ملتی ہے جس سے خود پر اعتماد بڑھتا ہے۔
سانس کی مشق کریں، چند گہری سانسیں ناک سے لیں اور منہ سے باہر نکالیں۔
اپنے بارے میں تین باتیں یا اپنی تین اچھی عادات لکھیں جو آپ کو پسند ہیں۔ اس طرح خود اعتمادی بڑھتی ہے۔
اپنے چاہنے والوں سے کچھ جذباتی مدد حاصل کرنے کے لیے کسی عزیز کے ساتھ کال پر بات کریں یا ویڈیو چیٹ کریں۔
کسی کو دن یا ویک اینڈ کے لیے نیک خواہشات بھیجیں، ایسا کرنے سے آپ کی پریشانی کم اور خوشی میں اضافہ ہو سکتا ہے۔
گھر سے باہر کھلی فضا میں تیز قدموں سے چہل قدمی کریں۔
کچھ خوشگوار یادیں تازہ کرنے کے لیے پرانی تصاویر دیکھیں۔
ورزش کریں کیونکہ ورزش کے بعد مزاج بہتر ہوتا ہے۔
مراقبہ کریں آنکھیں بند کر کے پانچ منٹ تک دنیا میں اپنے پسندیدہ مقامات میں سے ایک کا تصور کریں۔
کسی ضرورت مند کو کوئی چیز خرید کر دیں۔
اپنا من پسند مشروب خرید کر کسی دوسرے کو پیش کریں۔
کسی ایسے ساتھی کو تعریفی ای میل بھیجیں جس نے حال ہی میں آپ کے لیے کچھ اچھا کیا ہے۔
اپنے کسی دوست یا اہل خانہ میں سے کسی کو ایک ٹیکسٹ میسج لکھیں جسے آپ پسند کرتے ہیں اور اس کی ہر جگہ تعریف کرتے ہیں اور انہیں یہ بتائیں کہ وہ آپ کے لیے کتنا معنی رکھتے ہیں۔
گلے ملنے کے لیے قریب میں کوئی دوست یا پالتو جانور نہیں ہے؟ تناؤ کو دور کرنے اور سکون محسوس کرنے کے لیے ایک تکیہ لیں اور اسے کچھ سیکنڈ کے لیے مضبوطی سے گلے لگائیں ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News