یہ چونکا دینے والی خبر کیوبا سے آئی ہے جہاں ایک شخص نے ڈاکٹر سے اصرار کیا وہ اس کی دو صحت مند انگلیوں کو جسم سے جدا کر دے کیونکہ یہ انگلیاں اس کی نہیں ہے۔

واضح رہے کہ یہ شخص باڈی انٹیگریٹی آئیڈینٹیٹی ڈس آرڈر  میں مبتلا ہے یہ ایک ایسا نایاب عارضہ ہے جس میں مبتلا شخص اپنے ہی جسم کے اعضاء کو کاٹنا چاہتا ہے یا خواہش کرتا ہے کہ اسے فالج ہوجائے اس طرح سے یہ لوگ اپنے آپ کو مسخ کرتے ہیں۔

یونیورسٹی لاوال کے شعبہ نفسیات سے تعلق رکھنے والی ڈاکٹر نادیہ نادیو نے حال ہی میں ایک نامعلوم مریض کا کیس رپورٹ کیا ہے جس کے مطابق اس شخص کا کہنا ہے کہ وہ بچپن سے اس تکلیف دہ خیالات کا سامنا کر رہا ہے کہ اس کے ہاتھ کی آخر کی دوانگلیاں اس کی نہیں اور اس خیالات نے ساری زندگی اسے مسلسل ایک کرب میں مبتلا رکھا یہاں تک اسے خواب بھی اسی حوالے سے آتے رہیں ہیں کہ اس کی انگلیاں خراب ہوگئی ہیں اوراسی وجہ سے وہ زندگی میں کوئی بڑا کام بھی نہیں کر پایا۔

اگرچہ مریض نے اپنی انگلیوں کے بارے میں اپنی پریشانی اپنے گھر والوں کے ساتھ کبھی شیئر نہیں کی تھی تاہم وہ ہمیشہ سے ہی ان کو ہٹانے کے بارے میں سوچتا تھا۔

اس نے ان انگلیوں کو کاٹنے کے لیے ایک پلان بھی تیار کیا وہ جانتا تھا کہ خود کو نقصان پہنچانا ایک محفوظ حل نہیں ہے اور اس عمل کا اس کے تعلقات، شہرت اور صحت پر منفی اثرات مرتب ہو سکتے ہیں۔ دوسری طرف  وہ اپنے آپ کو ان انگلیوں کے ساتھ بھی نہیں رکھ سکتا تھا۔

بظاہر اس شخص کی دماغی حالت نارمل لگ رہی تھی تاہم اس شخص کو اس عمل سے باز رکھنے کے لیے مختلف نفسیاتی علاج جیسے اینٹی ڈپریسنٹس، اینٹی سائیکوٹکس، اور ایکسپوزر تھراپی آزمائے گئےلیکن ان میں سے کوئی بھی کار گر ثابت نہیں ہوا۔

نفسیاتی تشخیص کے بعد اور مریض کے صرار کے بعد اسے آرتھوپیڈک ڈیپارٹمنٹ کے حوالے کر دیا گیا۔ جہاں بالآخر یہ فیصلہ کیا گیا کہ اس کی سرجری کے ذریعے اس دو انگلیوں کو ہٹاکر اسے اس کرب  سے نجات دالائی جاسکتی ہے اور یہی اس کے لیے بہترین طریقہ ہے۔سرجری کے چھ ماہ بعد یہ سچ ثابت ہوا۔

سرجری کے بعد، اس شخص کو مسلسل کرب سے نجات مل گئی اور اس ساتھ ساتھ ڈراؤنے خواب بھی آنے بند ہوگئے۔اس کے گھر والوں کے ساتھ تعلقات مزید بہتر ہوگئے، ملازمت میں آگے بڑھنے کے مواقع ملنے لگے اور اسے کسی قسم کو کوئی افسوس بھی نہیں ہے اور اب وہ اپنی انگلیوں کے بارے میں پریشان کن خیالات سے پاک زندگی گزار رہا ہے۔