کوئی بھی دسترخوان چاول کے بغیر مکمل نہیں ہوتا۔ یہی وجہ ہے کہ آپ کھانا پکانا سیکھ رہے ہو یا کوئی ماہر شیف ہوں چاول کو درست طریقہ سے پکانا ضرور آنا چاہئے، تاکہ آپ چاول سے کوئی بھی پکوان بنائیں وہ بہترین طرح سے تیار ہو۔
یہاں پر ان چند عام غلطیوں کی نشاندہی کی جارہی ہے جو لوگوں کی بڑی تعداد چاول پکاتے وقت کرتی ہیں جس سے ان کے کھانے اچھے طرح تیار نہیں ہوپاتے۔
زیادہ دھونے سے گریز کریں
بغیر دھلے ہوئے چاول کے سطح پر ایک طرح چکنی تہہ ہوتی ہے جب اسے زیادہ دھویا جاتا ہے تو یہ مزید چپکنے لگتے ہیں اسی لیے چاولوں کو زیادہ دھونے سے گریز کرنا چاہئے، انہیں 3 سے 4 بار اور ہمیشہ ٹھنڈے پانی سے دھونا چاہئے۔
چاول کی مقدار کے مطابق پانی کا استعمال
چاول پکاتے وقت ہمیشہ پانی کی صحیح مقدار استعمال کرنی چاہئے بہت زیادہ پانی چاولوں کو بہت زیادہ نرم بنا دیگا اور کم پانی سے یہ کچے اور سخت رہ جائیں گے۔
مختلف اقسام کے چاول کی تیاری
سفید چاول ہو یا براؤن سب مختلف طریقوں سے تیار ہوتے ہیں سفید چاول فوری تیار ہوجاتے ہیں جبکہ براؤن رائس کو پکنے میں زیادہ وقت لگتا ہے۔
درست آنچ میں پکانا
چاول کو مختلف آنچ پر پکایا جاتا ہے پہلے اسے تیز آنچ پر جبکہ پانی کم ہونے پر آنچ کو کم کر دیا جاتا ہے۔ اگر اس میں احیتاط نہ کی جائے تو چاول خراب ہوسکتے ہیں۔
تیاری کا صحیح وقت
چاول پکنے کے بعد 5 سے 10 منٹ تک دم پر رکھا جاتا ہے اس سے کم یا زیادہ رکھنے پر چاول کچے یا بہت زیادہ پک سکتے ہیں جس سے چاول کی ساخت متاثر ہوسکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News