سی پی ایل سی نے کراچی میں اگست میں رپورٹ ہونے والے جرائم کے اعداد وشمار جاری کردیے۔
تفصیلات کے مطابق کراچی میں جرائم کم نہ ہوسکے، ایک ماہ کے دوران چھتیس افراد قتل ہوئے،تیئس گاڑیاں چھینی گئیں جبکہ ایک سو چھیالیس چوری ہوئیں۔
روشنیوں کےشہرمیں چوری کی وارداتوں کےباعث ہزاروں افراد موٹر سائیکلوں اور موبائل فونزسے محروم ہوگئےگئے ہیں۔
رپورٹ میں کہا گیا ہے کہ کراچی میں گزشتہ ماہ 23 گاڑیاں اسلحے کے زور پر چھینی گئیں جبکہ 146 چوری ہوئیں۔
چھینی اور چوری ہونے والی تمام گاڑیوں میں سے صرف 58 گاڑیاں ریکورکی جاسکی ہیں۔
رپورٹ میں یہ بھی کہا گیا کہ اگست کے مہینے میں 1853موبائل فونز چھینے اور 2600سے زائد چوری ہوئےجبکہ موٹرسائیکل چھیننے اور چوری کے2 ہزار 689 واقعات ہوئے۔
جرائم پیشہ افراد کے خلاف منظم آپریشن اور بھرپور کارروائیوں کے باوجود کراچی میں جرائم کا جن بے قابو ہے۔
رپورٹ میں یہ بھی بتایا گیا ہے کہ اگست میں اغوا برائے تاوان اور بینک ڈکیتی کی کوئی واردات رپورٹ نہیں ہوئی جبکہ متعدد وارداتوں کی سی سی ٹی وی ویڈیو سامنے آنے پر بھی ملزمان گرفتار نہیں کیے جاسکے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News