وزیراعظم کے معاون خصوصی برائے احتساب شہزاد اکبر نے کہا کہ اینٹی کرپشن نے ملک کے مختلف علاقوں میں 129 ارب روپے کی زمین واگزار کرائی ہے۔
تفصیلات کے مطابق اسلام آباد میں پریس کانفرنس کرتے ہوئے وزیراعظم کے معاون خصوصی برائے احتساب شہزاد اکبر نے کہا کہ موجودہ دور حکومت میں ہر چیز کا جواب دیا جاتا ہے پہلے کوئی نہیں دیتا تھا۔
شہزاد اکبرنے کہا کہ ایف آئی اے نے گزشتہ ایک برس میں 7 ارب کی وصولیاں کیں، ایسٹ ریکوری یونٹ پر اب تک 2 کروڑ 30 لاکھ روپے خرچ ہوئے ہیں، 2 کروڑ 30 لاکھ روپے میں یونٹ کے اہلکاروں کی تنخواہیں شامل ہیں ۔
چوہدری شوگرملزکیلیے نوازشریف کےدورمیں15ملین ڈالرقرض لیا گیا، شہزاد اکبر
شہزاد اکبر نے یہ بھی کہا کہ ن لیگ کی بی ٹیم کو جھوٹ بولنے کی عادت ہوچکی ہے ، ن لیگ کی بی ٹیم بھی کرپشن چھپانے اور پردہ ڈالنے کی کوشش کررہی ہے اور ن لیگ کی بی ٹیم کے بھی کارنامے بھی پکڑے جا رہے ہیں جبکہ اربوں روپے مالیت کی زمین واگزار کرائی گئی ہے،جو چیزیں ہو رہی اسکا سارا قصور میرا نہیں ہے۔
شہزاد اکبر کا یہ بھی کہنا تھاکہ پارلیمنٹ میں ایک سوال کو لے کر مریم اورنگزیب نے کانفرنس کی، وہ لوگوں کو گمراہ کرنا چھوڑ دیں کیونکہ ادارے ریکوری کر رہے ہیں اور تمام اداروں کو آزادی سے کام کرنے دیا جا رہا ہے۔
وزیراعظم کے معاون خصوصی برائے احتساب نے کہا کہ مریم اورنگزیب کے تمام سوالوں کا تحریری جواب اسمبلی میں دیدیا گیا ہےمریم اورنگزیب اپنے لیڈر سے پوچھ لیں نثار گل کون ہے،مریم اورنگزیب ذرا شہباز شریف سے میرے سوال کا جواب دلوادیں۔
شہزاد اکبر نے یہ بھی کہا کہ تنقید کرنے والوں کو ایسٹ ریکوری یونٹ کی کارروائی سمجھنے کی ضرورت ہے، 35 سال اقتدار میں رہنے والوں نے سرکاری زمینوں پر قبضہ کررکھا ہے ۔
وزیراعظم کے معاون خصوصی برائے احتساب شہزاد اکبر نے مزید کہا کہ ایسٹ ریکوری یونٹ کا مقصد لوٹی دولت کو واپس لانا ہے، جو ریکوری ہوتی ہے سارے پیسے قومی خزانے میں جاتے ہیں، 2018 میں سپریم کورٹ کو پیش سفارشات پر ایسٹ ریکوری یونٹ بنا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News