وائٹ ہاوس کی دو شخصیات میں بھی کوروناوائرس کی تصدیق ہوگئی۔
خبرایجنسی کے مطابق امریکی نائب صدر مائیک پینس کی پریس سیکرٹری اور امریکی صدر ڈونلڈ ٹرمپ کی بیٹی ایوانکا ٹرمپ کے پی اے کو کورونا ہوگیا۔
خبر ایجنسی کی رپورٹس کے مطابق امریکی نائب صدرکی پریس سیکرٹری کیٹی ملر کی گذشتہ روز کورونا ٹیسٹ کی رپورٹ مثبت آئی تھی ۔
امریکی صدر ڈونلڈ ٹرمپ نے نائب صدر کی پریس سیکرٹری کے کورونا میں مبتلا ہونے کی خود تصدیق کی ہے۔
ان کا کہنا تھا کہ وہ وائٹ ہاؤس میں کورونا پھیلنے سے متعلق پریشان نہیں ہیں اور کمپلیکس کو محفوظ رکھنے کے لیے حفاظتی اقدامات اٹھارہے ہیں ۔
خبر ایجنسی کے مطابق کیٹی ملر نائب صدر سے رابطے میں تھیں تاہم صدر ڈونلڈ ٹرمپ سے ان کی ملاقات نہیں ہوئی ہے۔
خیال رہے کہ کیٹی ملر ٹرمپ کے اہم مشیر اسٹیفن ملر کی اہلیہ ہیں اور ان کا کورونا ٹیسٹ مثبت آنے کے بعد وائٹ ہاؤس کی جانب سے اسٹیفن ملر کے کورونا ٹیسٹ اور ان کے تاحال وائٹ ہاؤس میں کام کرنے سے متعلق کوئی معلومات فراہم نہیں کی گئیں۔
دوسری جانب امریکی صدر ٹرمپ کی صاحبزادی ایوانکا ٹرمپ کے پرسنل اسسٹنٹ بھی کورونا وائرس کاشکار ہوگئےجس کے بعد وائٹ ہاوس میں کورونا سے متاثر ہونے والے افراد کی تعداد تین ہوگئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News