آئر لینڈ کا ہارس نامی نجی جزیرہ157 ایکڑ پر پھیلا ہوا ہے۔
غیر ملکی خبر رساں ادارے کے مطابق آئر لینڈ کا جزیرہ 63 لاکھ ڈالر میں فروخت کر دیا گیا ہے۔
یاد رہے ہارس نامی نجی جزیرے کے تین ساحل ہیں اور اس پر 7 مکانات اور قدرتی جنگلی حیات بھی موجود ہیں۔
اس پر تعیش جزیرے پر بجلی، پانی اور نکاسی کے نظام کے ساتھ ساتھ سڑکیں بھی موجود ہیں۔
دلچسپ بات یہ ہے کہ نامعلوم یورپی خریدار نے اس جزیرے کا دورہ نہیں کیا بلکہ صرف ویڈیوز ہی دیکھیں۔
دوسری جانب جزیرے کی خریداری کے لیے بھاؤ تاؤ واٹس ایپ پر کیا گیا، 19 ویں صدی کے دوران یہ جزیرہ تانبے کی صنعت سے وابستہ تھا۔
واضح رہے کہ رئیل اسٹیٹ ایجنٹس کے مطابق 1841ء میں اس جزیرے کی آبادی 137 افراد پر مشتمل تھی لیکن 1960 کی دہائی تک اس کے تمام باشندے واپس چلے گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News