بھارت کے شہرممبئی میں طوفانی بارشوں نے نظام زندگی درہم برہم کردیا۔
خبر ایجنسی کے مطابق بھارتی شہر کے متعدد علاقوں میں 300 ملی میٹربارش ریکارڈ کی گئی،107 کلومیٹر فی گھنٹہ کی رفتار سے چلنے والی طوفانی ہواوں نے نظام زندگی درہم برہم کردیا۔
ممبئی میں طوفانی بارشوں سے متعلق حکام نے ریڈ الرٹ جاری کررکھا ہے، محکمہ موسمیات کے مطابق آج بھی بارش جاری رہنے کا امکان ہے، جبکہ بارش سے ہونیوالے حادثات میں 4 افراد ہلاک اور کئی لاپتہ ہوگئے۔
اس کے علاوہ مہاراہشٹرا کے مختلف علاقوں میں سیلابی پانی میں گھرے افراد کو کشتیوں کے ذریعے ریسکیو کئے جانے کا سلسلہ جاری ہے، ریاست کے وزیراعلیٰ نے شہریوں سے گھروں میں رہنے کی اپیل کر دی ہے۔
ممبئی میں بارش اور طوفانی ہواؤں کے بعد کئی علاقوں میں بجلی منقطع ہوگئی،جبکہ ممبئی اسٹاک ایکسچینج کا سائن بورڈگرگیا۔
واضح رہے کہ ممبئی میں جس موسمیاتی سسٹم سے بارشیں ہوئیں ہیں، وہی سسٹم آج اور کل کراچی ، حیدرآباد میں بارشوں کا باعث بنے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News