امریکی شہری نے انوکھی گاڑی تیار کر کے سب کو حیران کر دیا۔
غیر ملکی خبر رساں ادارے کے مطابق امریکی ریاست مشی گن کے شہری نے گاڑی کو دونوں اطراف سے چلانے کے قابل بنا دیا۔
یاد رہے کہ امریکی شہری نے 1985 کی ایک پرانی وین خریدی اور اسے اپنی مرضی کے مطابق بنایا جس کے بعد وہ گاڑی دونوں اطراف یعنی الٹ اور پلٹ کر چلنے کے قابل ہوگئی ہے۔
گاڑی نہ صرف الٹی اور سیدھی دونوں اطراف سے چل سکتی ہے بلکہ آگے اور پیچھے دونوں جانب سے بھی چلائی جاسکتی ہے۔
برکلے کے رہائشی ناؤمین نے چلتی ہوئی وین کو الٹا کیا یعنی اس کا اوپری حصہ نیچے اور ٹائر والا حصہ ہوا میں آسمان کی سمت ہوگیا، جس کے بعد اس شخص نے گاڑی کے اوپری سطح میں چھوٹے چھوٹے پہیے فٹ کیے اور اس کو چلانے کے لیے گاڑی کے پچھلے حصے میں ڈرائیونگ سیٹ بنائی۔
قابلِ غور بات یہ ہے کہ اس کار کے اگلے اور پچھلے دونوں حصوں کو ہی فرنٹ کہا جاسکتا ہے۔
واضح رہے کہ شہری نے گاڑی کو الٹا کرنے کے بعد اس میں داخل ہونے کے لیے ایسے گیٹ بنائے جو سیدھے اور الٹے دونوں ہی صورتوں میں کام میں لائے جاسکتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News