ہالی ووڈ کی معروف اداکارہ جینیفر اینسٹن نے کہا کہ ڈونلڈ ٹرمپ کے امریکا میں کوئی محفوظ نہیں ہے۔
امریکی صدر ڈونلڈ ٹرمپ پر تنقید کرتے ہوئے اداکارہ نے سوشل میڈیا سائٹ انسٹاگرام پر اپنی اسٹوری شیئر کرتے ہوئے امریکا میں حق رائے دہی استعمال کرنے والوں کو مشورہ دیا کہ وہ اپنا حق استعمال کرنے سے پہلے کچھ حقائق پر غور کریں۔
غیر ملکی خبر رساں ادرے کے مطابق اداکارہ نے امریکا میں 3 نومبر کو ہونے والے صدارتی انتخابات کے بارے کہا کہ ڈونلڈ ٹرمپ کے امریکا میں کوئی محفوظ نہیں ہے۔
دوسری جناب ایسا ہی الزام امریکی صدر ٹرمپ نے ڈیمو کریٹ صدارتی امیدوار جو بائیڈن پر بھی لگایا تھا اور کہا تھا کہ جو بائیڈن درحقیقت ڈیموکریٹ لیڈر برنی سینڈرز کی کٹھ پتلی ہیں، جو بائیڈن کے امریکا میں کوئی محفوظ نہیں ہوگا۔
علاوہ ازیں ویننزویلا سے متعلق فورم سے خطاب کرتے ہوئے صدر ٹرمپ کا کہنا تھا کہ اگر جو بائیڈن صدر بن گئے تو امریکا میں کوئی بھی محفوظ نہیں رہے گا کیونکہ ڈیموکریٹ ملک کو سوشلسٹ ہجوم کے حوالے کردیں گے۔
واضح رہے کہ اداکارہ جینیفر اینسٹن کے مطابق ٹرمپ کی انتظامیہ کے متنازع اقدامات سے امریکی شہریوں کو غیر یقینی صورتحال کا سامنا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News