کراچی ٹریفک پولیس نے جماعت اسلامی کراچی کی جانب سے آج  حقوق مارچ کے تناظرمیں متبادل ٹریفک پلان جاری کردیا ہے۔

تفصیلات کےمطابق ایس ایس پی شہلا قریشی کی ہدایت پر ٹریفک پولیس ایسٹ نے27 ستمبر کو شاہراہ قائدین  پرہونے والے مارچ  کے لئے ٹریفک پولیس کی جانب سے  متبادل ٹریفک پلان جاری کردیا ہے۔

ٹریفک پولیس کےمطابق شارع فیصل سے شاہراہ قائدین پر آنے والے ٹریفک کو اللہ والی چورنگی سے طارق روڈ پر موڑ دیا جارہا ہے جبکہ ایم اے جناح روڈ سے سوسائٹی سگنل کی طرف آنے والی گاڑیوں کو کوریڈور 3 سے پیپلز چورنگی کی طرف موڑ دیا جائے گا۔

کشمیر روڈ سے سوسائٹی سگنل کی طرف جانے والوں کو عائشہ عزیز سے پیپلز چورنگی کا راستہ اختیار کرنا ہوگا اور طارق روڈ کے اطراف سے خالد بن ولید سگنل کی طرف آنے والی گاڑیوں کو علامہ اقبال سگنل کی طرف موڑا دیا جارہا ہے۔

ایس ایس پی ٹریفک ایسٹ نے تمام ڈی ایس پیز اور ایس اوز سمیت افسران و اہلکاروں کو اپنے اپنے مقررہ پوائنٹس پر حاضر رہنے کی ہدایت کی ہے جبکہ کسی بھی پریشانی سے بچنے کیلئے متبادل راستے استعمال کرنے کی اپیل کی گئی ہے۔

ایس ایس پی ٹریفک ایسٹ نے تمام ڈی ایس پیز اور ایس اوز سمیت افسران و اہلکاروں کو اپنے اپنے مقررہ پوائنٹس پر حاضر رہنے کی ہدایت کی ہے جبکہ کسی بھی پریشانی سے بچنے کیلئے متبادل راستے استعمال کرنے کی اپیل کی گئی ہے۔

دوسری جانب حقوق مارچ سے امیر جماعت اسلامی پاکستان سینیٹر سراج الحق اور کراچی کے امیر حافظ نعیم الرحمن خطاب کریں گے جبکہ مارچ میں حقوق کراچی تحریک کے حوالے سے آئندہ کے لائحہ عمل اور اہم اعلان کیا جائے گا۔