مطیع اللہ اغوا کیس،جے آئی ٹی تفتیشی رپورٹ عدالت میں جمع


ثمرا مظہرویب ایڈیٹر

26th October, 2020
اسٹیل ملز

مطیع اللہ جان اغوا کیس میں جے آئی ٹی تفتیش کی پیشرفت رپورٹ سپریم کورٹ میں جمع کروا دی گئی۔
تفصیلات کے مطابق سپریم کورٹ میں سینئر صحافی مطیع اللہ جان اغوا کیس کی سماعت ہوئی، عدالت میں آئی جی اسلام آباد نے جے آئی ٹی تفتیش کی پیش رفت رپورٹ جمع کروا دی۔

رپورٹ میں کہا گیا کہ اغوا کی وڈیو میں نظرآنے والے اغواکاروں کی شناخت ممکن نہیں ،نادرا نے وڈیو میں نظر آنے والوں کی شناخت سے معذوری ظاہرکی ہے ،وڈیو فوٹیج غیرمعیاری کیمرے سے بنی ہے،اغواکاروں کی گاڑیوں کے نمبر بھی معلوم نہیں ہوسکےگاڑیوں کی نشاندہی کی کوشش جاری ہے۔

رپورٹ میں مزید کہا گیا کہ واقعے کی جگہ سیف سٹی کا کوئی کیمرہ نصب نہیں تھا، واقعے کا کوئی چشم دید گواہ نہیں، کسی رہائشی نے بیان رکارڈ نہیں کروایا۔

چیف جسٹس کی سربراہی میں 3 رکنی بینچ بدھ کو مطیع اللہ جان ازخود نوٹس پرسماعت کرے گا۔