عالمی وبا کورونا وائرس سے متعلق نئی تحقیقات اور انکشاف سامنے آتے رہتے ہیں اب پہلی بار یہ بات منظر عا م ہو ئی ہے کہ اس وبا سے سننے کی حس سے محرومی کا سامنا بھی ہوسکتا ہے۔
بین الاقوامی ذرائع ابلاغ کے مطابق طبی جریدے بی ایم جے کیس رپورٹس میں شائع تحقیق میں برطانیہ سے تعلق رکھنے والے ایک 45 سالہ شخص کے بارے میں بتایا گیا کہ جو کووڈ 19کا شکار ہونے کے بعد سننے کی حس سے محرومہو گیا۔
اس شخص کو کووڈ 19 سے پہلے دمہ کا سامنا تھا اور اسے اچانک سننے کی محرومی کا سامنا ہوا اور تین دن کے اندر اندرونی کان کو نقصان پہنچا۔
اس شخص نے ڈاکٹروں کو بتایا کہ اسے پہلے کبھی سننے کے مسائل کا سامنا نہیں ہوا تھا اور جب اس کے کانوں کا معائنہ کیا گیا، تو وہاں کسی قسم کے ورم یا انفیکشن کی علامات نظر نہیں آئی۔
مختلف ٹیسٹوں کے مکمل ہونے پر دریا فت کیا گیا کہ اس مریض کو سننے کی حس سے محرومی کا سامنا ہوا ہے۔
ڈاکٹروں کی جانب سے اس تشخیص کے بعد سات دن تک اسٹرائیڈز ادویات دی گئیں، جس کے بعد اس کی سننے کی صلاحیت مخصوص فریکوئنسیز کے لیے بہتر ہوگئی مگر مکمل طور پر بحال نہیں ہوسکی۔
تحقیق میں شامل ڈاکٹروں کے مطابق اب تک دنیا بھر میں کووڈ 19 کے نتیجے میں سننے کی حس سے ہمیشہ کی محرومی کے صرف 5 کیسز سامنے آئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News