پاکستان سپر لیگ (پی ایس ایل) سیزن 6 کے چھٹے میچ میں اسلام آباد یونائیٹد نے کراچی کنگز کو 5 وکٹوں سے شکست دے دی۔
تفصیلات کے مطابق کراچی کے نیشنل اسٹیڈیم میں کھیلے جارہے اس میچ میں اسلام آباد یونائیٹڈ نے کراچی کنگز کی جانب سے دیا گیا 197 رنز کا ہدف 5 وکٹوں کے نقصان پر پورا کرلیا اورایونٹ میں اپنی پہلی کامیابی حاصل کرلی۔
شرجیل خان کی سنچری بھی کراچی کنگز کو شکست سے نہ بچاسکی جبکہ اسلام آباد یونائیٹڈ نے دو وکٹیں 13 رنز پر گرنے کے بعد شاندار کم بیک کیا، الیکس ہیلز نے 21 گیندوں پر 46 رنز کی جارحانہ اننگز کھیلی۔
فہیم اشرف 25 رنز بنا کر نمایاں رہے، کپتان شاداب خان اور فل سالٹ بغیر کوئی رن بنائے پویلین لوٹ گئے، حسین طلعت نے 42 رنز کی اننگز کھیلی جبکہ افتخار احمد نے 49 رنز کی ناقابل شکست اننگز کھیلی، آصف علی 19 رنز بنا کر ناٹ آؤٹ رہے۔
کراچی کنگز کی جانب سے محمد عامر، عماد وسیم، وقاص مقصود اور ارشد اقبال نے ایک، ایک وکٹ حاصل کی۔
یاد رہے اس سے قبل کراچی کنگز نے مقررہ اوورز میں 3 وکٹوں کے نقصان پر 196 رنز بنائے اور اسلام آباد یونائیٹڈ کو جیت کے لیے 197 رنز کا ہدف دیاتھا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News