بلاول بھٹو نے بڑا دعویٰ کرتے ہوئے کہاہے کہ پاکستان ڈیموکریٹک موومنٹ آج کامیاب ہوچکی ہے۔
تفصیلات کے مطابق چئیرمین پاکستان پیپلز پارٹی بلاول بھٹو ذرداری نے میڈیا سے بات کرتے ہوئے کہاکہ پی ٹی آئی کے ممبران اپنی حکومت سے خفا ہیں، ہم نے کٹھ پتلی حکومت کو بے نقاب کردیا ہے۔
انہوں نے کہا کہ الیکشن سے ایک دن پہلے ہمارے اُمیدوار کو نااہل کروانے والی حکومت بوکھلاہٹ کا شکار ہے، وہ حکومت جسے آنکھ بند کرکے الیکشن جیتنا تھا وہ پریشان ہیں۔
واضح رہےکہ ایوان بالا سینیٹ کی 37 نشستوں کے لیے انتخابی میدان سج گیا، قومی اور صوبائی اسمبلیوں میں ووٹنگ کا عمل کسی وقفے کے بغیر شام پانچ بجے تک جاری رہے گا۔
اسلام آباد کی 2، خیبر پختونخوا کی 12، سندھ کی 11 اور بلوچستان کی 12 نشستوں پر ووٹ ڈالے جا رہے ہیں جبکہ پنجاب کی تمام 11نشستوں پر اُمیدوار بلامقابلہ منتخب ہوچکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News