تحریک انصاف کے 25 ویں یوم تاسیس پر وزیراعظم عمران خان نے مبارکباد پیش کی ہے۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے ایک پیغام میں کہا کہ تحریک انصاف کے 25 ویں یوم تاسیس کے موقع پر اپنے دوستوں نعیم الحق اور احسن رشید کو یاد کرنا چاہتا ہوں۔

Congratulations to PTI on its 25th birthday. I want to especially remember two friends, Ahsan Rashid and Naeem Ul Haque, as well as Saloni Bokhari – all of whom were with me when we launched PTI in Holiday Inn Lahore 25 years ago. Sadly all three are no longer with us.

— Imran Khan (@ImranKhanPTI) April 25, 2021

اپنے پیغام میں وزیراعظم عمران خان نے مزید کہا کہ لاہور میں 25 سال قبل جب تحریک انصاف کی بنیاد رکھی نعیم الحق، احسن رشید اور سلونی بخاری ہمراہ تھے، افسوس کے ساتھ آج وہ تینوں ہم میں نہیں ہیں۔

یاد  رہے اس سے قبل بھی وزیراعظم عمران خان نے پی ٹی آئی کے 25 یوم تاسیس پر اپنے پیغام میں کہا تھا کہ پاکستان کو اسلامی فلاحی مملکت بنانے کے لیے 25 برس قبل سفر کا آغاز کیا، پارٹی کے قیام کا بنیادی مقصد ملک کو کرپشن سے پاک کرنا تھا۔

وزیراعظم نے کہا تھا کہ پاکستان میں حکمران ملک کا پیسا لوٹ رہے تھے، زیادہ تر حکمران اقتدار میں آکر پیسہ بناتے ہیں اور جب ملک کے حکمران کرپشن کرتے ہیں تو قوم تباہ ہوجاتی ہے۔

عمران خان نے یہ بھی کہا تھا کہ جب میں نے پارٹی بنانے کا فیصلہ کیا اس وقت کرپشن عروج پر تھی، پی ٹی آئی کو پہلے الیکشن میں ایک سیٹ بھی نہیں ملی تھی، دوسرے الیکشن میں ایک سیٹ جیتی، ہمارے کئی لوگ ہار مان گئے لیکن میں نے کبھی ہار نہیں مانی۔