مسلم لیگی رہنما شہبا زشریف کا کہنا ہے کہ تین سال کی حکومتی مدت پوری ہو رہی ہے اور ابھی تک کابینہ کی تبدیلی جاری ہے۔
تفصیلات کے مطابق پاکستان مسلم لیگ ن کے صدر اور قومی اسمبلی میں اپوزیشن لیڈر شہباز شریف نے اپنے ٹوئٹر پیغام میں حکومت کو تنقید کا نشانہ بناتے ہوئے لکھا ہے کہ افراط زر کا دوبارہ دو ہندسوں میں جانا، ایک کلو چینی کی جستجو میں دربدر ہوتی عوام اور لوگوں کی آمدن میں کمی نئے پاکستان کی لائی تباہی بیان کر رہے ہیں۔
افراط زر کا دوبارہ دو ہندسوں میں جانا، ایک کلو چینی کی جستجو میں دربدر ہوتی عوام، لوگوں کی آمدن میں کمی نئے پاکستان کی لائی تباہی بیان کر رہے ہیں۔ تین سال کی حکومتی مدت پوری ہو رہی ہے اور ابھی تک کابینہ کی تبدیلی جاری ہے اور گھسی پٹی فرسودہ اور بے عمل کھوکھلی بیان بازی ہو رہی ہے۔
— Shehbaz Sharif (@CMShehbaz) May 5, 2021
انہوں نے مزید کہاکہ گھسی پٹی فرسودہ اور بے عمل کھوکھلی بیان بازی ہو رہی ہے۔
واضح رہےکہ شہبازشریف نے پی پی 84 خوشاب میں عوام سے ووٹ ڈالنے کی اپیل بھی کی ہے۔
اس حوالے سے انہوں نے کہاکہ وہ اپنے ووٹ کے آئینی حق کا قومی جذبے، سمجھداری اور سوچ سے استعمال کریں ۔ نوازشریف کی قیادت میں پاکستان اور پنجاب کی ترقی کو ووٹ دیں۔
شہباز شریف نے مزید کہاکہ انشاءاللہ آج خوشاب کے عوام بھی مہنگائی، بے روزگاری اورمعیشت کی تباہی کے خلاف ووٹ دینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News