گوگل نے رواں سال ہونے والی کانفرنس میں اہم ٹیکنالوجیز اور ٹولز پیش کردیئے ۔
تفصیلات کے مطابق گوگل کی رواں سال منعقد سادہ کانفرنس میں کئی اہم ٹیکنالوجیز اور سہولیات کا تعارف پیش کیا گیا ہے۔
گوگل کے مطابق ایک نئے چیٹ سسٹم پر کام کیا جارہا ہے جس میں لوگ ایک دوسرے کو تھری ڈی انداز میں دیکھ سکیں گے جس سے گفتگو کو حقیقت سے قریب تر روپ دیا جاسکتا ہے۔
اس نئے چیٹ سسٹم کو “اسٹار لائن” کا نام دیا گیا ہے جس سے ویڈیو چیٹ حقیقت سے انتہائی قریب نظر آئے گی۔
اس اہم ٹیکنالوجی کیلئے ایک سے زائد کیمرے کا استعمال ہوگا۔
گزشتہ ایک سال سے ریمورٹ ورک اور ورک فرام ہوم عام ہوگیا ہے ۔ جس کیلئے کئی ٹولز بھی متعارف کیے گئے ہیں تاہم بہت سی سہولیات اب بھی درکار ہیں جس کیلئے گوگل نے کئی اہم ٹولز متعارف کیے ہیں۔
گوگل نے اس سلسلے میں اسمارٹ کینوس کے نام سے ایک منیجمنٹ پلیٹ فارم متعارف کیا ہے جس پر ایک وقت میں ایک سے زائد افراد ایک پروجیکٹ پر کام کرسکتے ہیں۔
اسمارٹ کینوس کی مدد سے کسی پروجیکٹ پر کام کا جائزہ بھی لیا جاسکتا ہے اور پیشرفت سے آگاہی حاصل کی جاسکتی ہے۔
صرف یہی نہیں بلکہ اب جلد ہی گوگل میٹ کو گوگل ڈاکیومنٹس سے جوڑا جائے گا اور گفتگو کے ساتھ ساتھ دستاویز کا تبادلہ بھی کیا جاسکے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News