پاکستان مسلم لیگ (ن) کے صدر اور قومی اسمبلی میں قائد حزب اختلاف شہبازشریف نے پانی کی تقسیم کے اختلافات پر تشویش کااظہار کیا ہے۔
تفصیلات کے مطابق مسلم لیگ (ن) کے صدر اور قائد حزب اختلاف شہبازشریف نے کہا ہے کہ پانی کے مسئلے پر سندھ اور پنجاب میں محاذ آرائی افسوسناک ہے۔
انہوں نے کہا کہ وفاقی حکومت اور ارسا اپنے فرائض ادا کرنے میں ناکام نظر آرہے ہیں۔ پانی کی تقسیم حساس معاملہ ہے، غیر ذمہ داری خطرناک ہو سکتی ہے۔
قائد حزب اختلاف شہباز شریف نے یہ بھی کہا کہ سندھ کے شہریوں کا پانی کی کمی پر مظاہرے کرنا نیک فال نہیں،عمران خان نیازی وفاقی اکائیوں کے اتحاد اور ملکی سلامتی داؤ پر نہ لگائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News