وزیراعظم پاکستان مسئلہ کشمیر کے حوالے سے معاملات میں تیزی لائیں گے، عبدالقیوم نیازی

اسفا سروت

05th Aug, 2021. 10:14 am

وزیر اعظم آزاد کشمیر سردار عبدالقیوم نیازی کا کہنا ہے کہ وزیراعطم پاکستان مسئلہ کشمیر کے حوالے سے معاملات میں تیزی لائیں گے۔

تفصیلات کے مطابق وزیر اعظم آزادکشمیر سردار عبدالقیوم نیازی نے مظفرآباد میں میڈیا سے گفتگو کرتے ہوئے کہا کہ بھارت کی 9 لاکھ فوج کشمیریوں پر ظلم وستم کی نئی داستیں رقم کر رہا ہے۔

انہوں نے کہا کہ وزیر اعظم پاکستان جرات مند اور بہادر شخص ہیں جو پوری امت مسلمہ کی نمائندگی کررہے ہیں، کشمیری اس وقت امید بھری نگاہوں سے پاکستان کی طرف دیکھ رہے ہیں کہ وزیراعظم پاکستان مسئلہ کشمیر کے حوالے سے معاملات میں تیزی لائیں گے۔

وزیراعظم آزاد کشمیر عبدالقیوم نیازی نے مزید کہا کہ میں کنٹرول لائن کا رہنے والا ہوں ہماری اولین ترجیح کشمیر کی آزادی ہے، آزاد کشمیر کے معاملات کو وزیراعظم کے ویژن کے مطابق آگے چلانا ہے۔

Square Adsence 300X250

مزید پڑھیں