اپوزیشن لیڈر پنجاب اسمبلی حمزہ شہباز شریف کا کہنا ہے کہ اس حکومت نے ملکی تاریخ کی مہنگی ترین ایل این جی خریدی ہے۔
تفصیلات کے مطابق اپوزیشن لیڈر پنجاب اسمبلی حمزہ شہباز شریف نے ہفتہ وار مہنگائی میں اضافے پر اپنے بیان میں کہا کہ وزیراعظم سمیت پوری حکومتی مشینری کی توجہ اپوزیشن کے خلاف جھوٹے کیسز بنانے پر مرکوز ہے عوام کا کوئی پرسان حال نہیں ہے۔
حمزہ شہباز کا کہنا ہے کہ ہفتہ وار مہنگائی کی شرح ساڑھے 12 فیصد ہو گئی ہے آٹا، مرغی اور پیاز سمیت 17 اشیاء مہنگی ہوئی ہیں، آٹے کا تھیلا 27 روپے مہنگا ہو گیا اور کسی کو پرواہ تک نہیں خدا کا خوف کرو ورنہ وہ عوام ہی نہیں رہیں گے جن کے سر پر تم مسلط کر دیئے گئے ہو۔
انہوں نے کہا کہ اس حکومت نے ملکی تاریخ کی مہنگی ترین ایل این جی خریدی ہے مہنگائی کا نیا سیلاب عوام کو بہا لے جائے گا، ڈالر کی قیمت بھی 166 روپے تک پہنچ گئی ہے تجارتی خسارہ نئے ریکارڈ توڑ رہا ہے، حکومت کی خوشحالی اور ترقی کی باتیں صرف اشتہارات تک محدود ہیں لیکن عوام ان کی حقیقت اچھی طرح سے جان چکی ہے۔
حمزہ شہباز شریف نے کہا کہ رواں مالی سال کے بجٹ پر ہی بتا دیا تھا کہ مہنگائی کا نیا سیلاب آئے گا حکومتی ترجمانوں کی بےحسی کا عالم یہ ہے کہ وہ گاڑیوں کی فروخت کو خوشحالی سے تعبیر کرتے ہیں، وزیراعظم سیمنٹ اور سریے کی فروخت کو ترقی کہتے ہیں کیا لوگ سیمنٹ اور سریا کھا کر اپنا پیٹ بھریں؟
اپوزیشن لیڈر پنجاب اسمبلی حمزہ شہباز شریف نے مزید کہا کہ جتنی توجہ ذاتی انتقام پر دی جا رہی ہے اس کا آدھا بھی عوام کی حالت بدلنے پر لگائی ہوتی تو آج یوں اشتہارات چھپوا کر کارکردگی نہ بتانا پڑتی۔
مزید پڑھیں
- Bol news Urdu
- Bol Urdu News
- breaking news urdu
- breaking urdu news
- covid
- current breaking news in urdu
- karachi breaking news in urdu
- karachi news update urdu
- latest breaking news in urdu
- latest breaking news urdu
- latest news in urdu
- latest pakistani news in urdu
- latest urdu news
- latest urdu news islamabad
- latest urdu news karachi
- latest urdu news pakistan
- ncoc
- news in urdu
- pak news urdu
- pak urdu news
- Pakistan
- pakistan latest news urdu
- pakistan news in urdu
- pakistan news urdu
- pakistan urdu news
- taza tareen urdu news
- today
- urdu news
- urdu news pakistan
- urdu news paper
- اس حکومت نے ملکی تاریخ کی مہنگی ترین ایل این جی خریدی ہے، حمزہ شہباز
- اپوزیشن لیڈر پنجاب اسمبلی حمزہ شہباز شریف
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News