وزیر اعظم عمران خان نے کہا ہے کہ افغانستان کا امن اور استحکام علاقائی امن و سلامتی کے لیے ضروری ہے ۔
تفصیلات کے مطابق وزیر اعظم عمران خان سے جمہوریہ عراق کے وزیر اعظم مصطفیٰ الکاظمی کا ٹیلیفونک رابطہ ہوا جس میں افغانستان کی صورتحال اور دوطرفہ تعلقات کے امور پر تبادلہ خیال کیا گیا۔
ٹیلیفونک رابطے کے دوران دونوں رہنماؤں نے مختلف شعبوں خاص طور پر تجارت ، سرمایہ کاری اور مذہبی سیاحت میں دوطرفہ تعاون کو مضبوط بنانے کی خواہش کا اظہار کیا جبکہ دونوں رہنماؤں نے مختلف شعبوں میں دوطرفہ تعاون کو بڑھانے کے لیے قریبی رابطے میں رہنے پر اتفاق کیا۔
وزیر اعظم عمران خان نے اس سال اکتوبر میں پارلیمانی انتخابات کے انعقاد میں عراقی حکومت کی کامیابی کی خواہش کی جبکہ عمران خان نے عراق میں جمہوریت اور جمہوری ادارے مزید مضبوط ہونے کی امید کا اظہار کیا۔
اس موقع پر وزیر اعظم عمران خان نے عراقی ہم منصب کو افغانستان میں امن اور مفاہمت کے لیے پاکستان کی مسلسل حمایت سے آگاہ کیا جبکہ عمران خان نے عراقی ہم منصب کو گزشتہ ماہ بغداد کانفرنس کے کامیاب انعقاد پر مبارکباد بھی دی۔
وزیر اعظم عمران خان نے فضائی اور زمینی راستوں کے ذریعے اپنے افغان بھائیوں کے لیے پاکستان کی جانب سے انسانی امداد کی فراہمی پر روشنی ڈالی جبکہ وزیر اعظم عمران خان نے افغانستان میں انسانی اور معاشی بحران سے نمٹنے کیلئے عالمی برادری کے کردار پر بھی زور دیا ۔
عراق کے وزیر اعظم مصطفیٰ الکاظمی سے گفتگو کرتے ہوئے وزیر اعظم عمران خان نے کہا کہ افغانستان کا امن اور استحکام علاقائی امن و سلامتی کے لیے ضروری ہے ، دونوں ممالک کے درمیان مذہبی سیاحت کو فروغ دینا باہمی فائدہ مند ہو سکتا ہے۔
ٹیلیفونک رابطے کے دوران عراقی وزیر اعظم مصطفیٰ الکاظمی نے پاکستان سے آنے والے زائرین مزید سہولتیں بڑھانے پر اتفاق کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News