پاکستان مسلم لیگ ن کے رہنماء سعد رفیق نے کہا ہے کہ کوئی جھوٹ نواز شریف کو لوگوں کے دلوں سے نہیں نکال سکے گا۔

تفصیلات کے مطابق پاکستان مسلم لیگ ن کے رہنماء سعد رفیق نے اپنے ایک بیان میں کہا کہ آج کا دن پاکستان مسلم ن کہ فتح کا دن ہے۔

سعد رفیق نے کہا کہ ایک بار پھر لاہور نے اپنے ووٹ کی طاقت سے ثابت کیا ہے کہ نواز شریف دلوں کا وزیراعظم ہے، کوئی جھوٹ میاں نواز شریف اور شہباز شریف کو لوگوں کے دلوں سے نہیں نکال سکے گا ۔

پاکستان مسلم لیگ ن کے رہنماء کا کہنا تھا کہ بلدیاتی انتخابات میں باشعور ووٹرز نے ریاستی مشینری اور دھاندلی کی تمام کوششوں کو ناکام بنادیا۔

پاکستان مسلم لیگ ن کے رہنماء کا یہ بھی کہنا تھا کہ2015 میں ہم نے 10 میں سے 9 نشستیں حاصل کی تھیں جبکہ بھٹہ چوک کے قریب 2 پولنگ اسٹیشن کا نتیجہ نہیں دیا گیا۔

سعد رفیق نے کہا ہے کہ شکر ہے الیکشن کمیشن ان کے دباؤ میں نہیں آیا۔ یہ شہر شیروں کا شہر ہے، ہماری آواز کو ریاستی جبر سے دبایا نہیں جاسکتا۔

اپنے بیان میں سعد رفیق کا کہنا تھا کہ پی ٹی آئی کے ہارنے والے امیدوار نے پریزائیڈنگ سٹاف جو یرغمال بنایا، صوبے کا وزیر اعلیٰ آر آوز کو ملاقات کے لیے دبائو ڈالتا رہا۔

پاکستان مسلم لیگ ن کے رہنماء سعد رفیق کا مزید کہنا تھا کہ بے روزگاری، لاقانونیت ، ظلم سے تنگ آگئے ہیں،، تمہاری تبدیلی والٹن نالے میں ڈوب گئی ہے۔ تمہارے دن زیادہ نہیں رہے۔