پاکستان پیپلزپارٹی کے رہنما قمرزمان کائرہ نے کہا ہے کہ خورشید شاہ کی ضمانت منظورکرنے پرسپریم کورٹ کےمشکورہیں۔
تفصیلات کے مطابق پاکستان پیپلزپارٹی کے رہنما قمرزمان کائرہ نے پریس کانفرنس کرتے ہوئے کہا ہے کہ پی ڈی ایم فوت ہوچکی ہے ، پیپلزپارٹی پی ڈی ایم کےساتھ ہوتی تویہ حکمران چلےجاتے۔
انہوں نے کہا کہ ہمارےساتھ غیر اخلاقی رویہ نہ اپنایا جاتا تو یہ حکمران نہ ہوتے ، لانگ مارچ ہوگا اورحکومت کوجانا بھی ہوگا ، مہنگائی کیخلاف سب سےپہلےپیپلزپارٹی نےاحتجاج کیا ، پیپلزپارٹی صرف عوام کےاشارےپرچلتی ہے ، پیپلزپارٹی کیلئےکوئی اشارہ تھا ، ہے اورنہ ہوگا۔
قمرزمان کائرہ نے کہا کہ خورشید شاہ کی ضمانت منظورکرنے پرسپریم کورٹ کےمشکورہیں ، عوام کی عدالت میں بےگناہ ہیں،قانون کی عدالت میں بھی ثابت ہوگئے۔
پاکستان پیپلزپارٹی کے رہنما قمرزمان کائرہ نے کہا ہے کہ خورشیدشاہ کوپیپلزپارٹی کاساتھ دینےکی سزادی جارہی ہے ، خورشیدشاہ کیخلاف کیس بدنیتی پرمبنی ہے۔
اس سے قبل پاکستان پیپلزپارٹی کے رہنما قمرزمان کائرہ نے کہا تھا کہ پیپلز پارٹی (پی ڈی ایم) کے فیصلے کے مطابق 26 مارچ کو مسلم لیگ (ن) کی رہنما مریم نوازکی نیب میں پیشی کی ریلی میں بھرپورشرکت کرے گی۔
قمرزمان کائرہ نے کہا تھا کہ 26 مارچ کی صبح نیب آفس کے باہر پیپلز پارٹی کے قافلے کی قیادت خود کروں گا جبکہ کارکن بھر پور تیاری کیساتھ ریلی میں شرکت کے لیے پہنچیں گے۔
پاکستان پیپلزپارٹی کے رہنما قمرزمان کائرہ نے سینٹرل پنجاب بھرکے کارکنوں اوررہنماؤں کو اپنی شرکت یقینی بنانے کی ہدایت کر دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News