بنوں میں میراخیل پولیس نے کارروائی کرتے ہوئے مغوی کو بازیاب کرالیا۔
تفصیلات کےمطابق ڈی ایس پی رضوان خان نے ایس ایچ او تھانہ میراخیل عمران اللہ خان اور تفتیشی افسر عبدالمجید کے ہمراہ پریس کانفرنس کرتے ہوئے کہا کہ مخبر کی اطلاع پر ڈی ایس پی نےمیراخیل پولیس کے ہمراہ کارروائی کرتے ہوئے شمالی وزیرستان کے رہائشی مغوی شخص کو بازیاب کرالیا۔
ڈی ایس پی رضوان کا کہنا ہے کہ مغوی حمید کو 13 اکتوبر کو جنرل بس اسٹینڈ سے زبردستی اغواء کرلیا تھا، مذکورہ شخص کا ایک ہفتہ قبل مبینہ اغوا کاروں سے زدوکوبی کا تنازعہ ہوا تھا۔
پولیس کا کہنا ہے کہ مغوی کی رپورٹ پر مبینہ اغواء کاروں کے خلاف اغواء کا مقدمہ درج کر لیا گیا ہے، ناموں کو صیغہ راز میں رکھ کر گرفتاری کے لیے چھاپوں کا سلسلہ شروع کر دیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
