لاہور چیمبر کے صدر نعمان کبیر نے کہا ہے کہ عمر شریف دنیا بھر میں پاکستان کی پہچان اور باکمال فنکار تھے۔
تفصیلات کے مطابق چیمبر کے صدر میاں نعمان کبیر نے لیجنڈ اداکار عمر شریف کے انتقال پر رنج وغم اور افسوس کا اظہار کرتے ہوئے کہا کہ عمر شریف دنیا بھر میں پاکستان کی پہچان اور باکمال فنکار تھے، انہوں نے پوری دنیا میں اپنے فن کی داد پائی، ان کی کمی پوری نہیں ہوسکتی، کامیڈی میں عمر شریف اپنی مثال آپ تھے۔
چیمبر صدر نعمان کبیر کا کہنا تھا کہ عمر شریف کی پاکستان سے محبت بھی ایک مثال تھی، مستحقین کی مدد میں بھی وہ پیش پیش رہتے تھے، فن اور شوبز کے لئے ان کی خدمات کو فراموش نہیں کیا جاسکے گا۔
واضح رہے کہ پاکستان کے مایہ ناز کامیڈین عمر شریف جرمنی میں انتقال کرگئے ہیں۔
عمرشریف کو طبیعت خرابی کے باعث جرمنی منتقل کیا گیا تھا ، عمر شریف عارضہ قلب اور دیگر مختلف بیماریوں میں مبتلا تھے، وہ گزشتہ کئی ہفتوں سے کراچی کے نجی اسپتال میں زیر علاج تھے۔
یاد رہے کہ عمر شریف کو علاج کے لیے امریکی دارالحکومت واشنگٹن پہنچایا گیا تھا، جہاں معروف پاکستانی اداکارہ ریما خان کے شوہر اور ماہر امراض قلب ڈاکٹر طارق شہاب نے ان کے علاج کے لیے جارج واشنگٹن یونیورسٹی اسپتال میں انتظامات کر رکھے تھے۔
فخر پاکستان عمر شریف کی امریکا منتقلی اور اہل خانہ کے ویزوں کے لیے بھی ڈاکٹر طارق شہاب نے ہی تگ و دو کی تھی، عمر شریف کو لینے کے لیے ائیر ایمبولینس پیر کی دوپہر منیلا سے پاکستان پہنچی تھی۔
عمر شریف 19 اپریل 1955 کو پیدا ہوئے ،عمرشریف نے اپنے کیریئر کا آغاز1974 میں14 سال کی عمر میں اسٹیج اداکاری سے کیا تھا ، عمرشریف کو بہترین اداکار اور ڈائریکٹر کا ایوارڈ 1992 میں دیا گیا تھا،عمرشریف کو بہترین کارکردگی پر تمغہ امتیاز سے بھی نوازا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News