اسد عمر کا کہنا ہےکہ کورونا ویکسی نیشن میں پنجاب سب سے آگے ہے۔

وفاقی وزیر برائے منصوبہ بندی اور این سی او سی کے سربراہ اسد عمر نے اپنی ٹوئٹ میں کہاکہ  ملک میں اوسطاً 48 فیصد اہل آبادی کو کورونا ویکسین کی ایک خوراک لگ چکی ہے۔

انہوں نے بتایا کہ اسلام آباد میں ویکسین کی اہل 87 فیصد آبادی کوایک خوراک جبکہ پنجاب میں ویکسین کی اہل نصف سے زائد آبادی کوایک خوراک ویکسین لگ چکی ہے۔

Punjab becomes the first province to have more than half it’s eligible population with at least one dose at 52%. KP follows with 48%, Sind 40% and balochistan at 17%. Federal territories leading in vaccination with Islamabad 87%, AJK 59% & GB 54%. National average has reached 48%— Asad Umar (@Asad_Umar) November 4, 2021

انہوں نے بتایا کہ کے پی ویکسین لگوانے والوں میں دوسرے نمبر ہے،وہاں ویکسین کی اہل 48 فیصد کو ویکسین کی کم از کم ایک خوراک لگ چکی ہے۔

اسد عمر نے بتایا کہ سندھ میں ویکسین کی اہل 40 فیصد، بلوچستان میں 17 فیصد اہل آبادی ، گلگت بلتستان میں54 فیصد اور آزاد کشمیر میں 59 فیصد اہل آبادی کو ویکسین لگ چکی ہے۔

دوسری جانب حیدرآباد میں بچوں کی کورونا ویکسی نیشن کرانے کی ڈیڈ لائن ختم ہونے پر انتظامیہ ایکشن میں آ گئی ہے۔

انتظامیہ کی ٹیموں نے شہر کے مختلف نجی وسرکاری اسکولز کا دورہ کیا اور ویکسی نیشن نہ کرانے پر معروف نجی اسکول کیخلاف ایکشن بھی لیا۔

اسسٹنٹ کمشنر سٹی نے اسکول کے کلاس رومز سیل کردیے جبکہ کورونا ایس او پیز کی خلاف ورزی پر مختلف اسکولز کی انتظامیہ کو تنبیہ کی گئی۔

واضح رہےکہ امریکی محکمہ صحت نے بچوں کو فائزر ویکسین لگانے کی منظوری دے دی ہے۔

بین الاقوامی ذرائع ابلاغ کے مطابق امریکہ میں 5 سے 11 سال کے بچوں کو ویکسین لگانے کا آغاز کردیا گیا ہے۔

امریکی محکمہ صحت کے مطابق 2 کروڑ 80 لاکھ بچوں کو کورونا وائرس سے بچاؤ کی ویکسین لگائی جائے گی۔

اس ضمن میں امریکی صدر جوبائیڈن کا کہنا ہے کہ ہم کورونا وائرس کے خلاف جنگ میں ایک اہم موڑ پر پہنچ گئے ہیں۔