فواد چوہدری نے کہا ہے کہ ٹیکنالوجی کی وجہ سے جھوٹی خبروں میں اضافہ ہوا ہے۔

وفاقی وزیر اطلاعات فواد چوہدری نے میڈیا سے گفتگو کرتے ہوئے کہا ہے کہ ن لیگ سیاست سے زیادہ فلمیں بنانے پرتوجہ دے ، جعلی خبروں کے باعث اداروں کی ساکھ کو نقصان پہنچتاہے۔

انہوں نے کہا کہ عمران خان نے ملک کو مضبوط بنیاد فراہم کرنے کی کوشش کی ، پاکستان کا مستقبل روشن ہے ، صحافت کےشعبےمیں فیک نیوزکوپھیلانا بھی آسان ہوگیا ہے ، ٹیکنالوجی کی وجہ سے جھوٹی خبروں میں اضافہ ہوا ہے۔

فواد چوہدری نے کہا ہے کہ عام طورپرجھوٹی خبروں کی آڑمیں غلط انفارمیشن پھیلائی جاتی ہے ، لاہورمیں صحافتی تاریخ سےمتعلق ایک میوزیم بناناچاہیے ، لاہور ایک دور میں اردو پریس کا مرکز بنا ، ہمارے بزرگوں نے تحریک پاکستان میں بھرپور حصہ لیا۔

اس سے قبل فواد چوہدری کا کہنا تھا کہ کہ فوج اورعدلیہ کو دباؤ میں لانے کی کوشش کی گئی، نواز شریف کے مقدموں سے جان چھڑانے کیلئے دباؤ ڈالا گیا ہے۔

انہوں نے کہا کہ رانا شمیم کے بیان حلفی سے بات شروع ہوئی اور ثاقب نثار صاحب کی جعلی آڈیو تک پہنچا، جب بھی مریم نواز کے کیسز کا معاملہ ہوتا ہے تو اداروں کو ثبوتاژ کرنے کی سازش شروع ہو جاتی ہے۔

فواد چوہدری نے کہا کہ جب لمبی حکومتوں میں رہتے ہیں تو من پسند افراد کو نواز کر ان سے کام لیا جاتا ہے، جیسے رانا شمیم کو گلگت بلتستان کا چیف جسٹس لگوایا گیا اور اب بیان حلفی لیا گیا۔

ان کا کہنا ہے کہ اعلیٰ عدلیہ کو چاہیے کہ نوٹس لے اور پروف ٹیمرینگ پر کارروائی کرے، یہ دباؤ ڈال کر مقدمات ختم کروانا چاہتے ہیں سیدھی سی بات ہے کہ بتائیں پراپرٹیز کیسے بنائی ہیں بس رسیدیں دکھانی ہیں۔

فواد چوہدری نے کہا کہ رانا شمیم سے حلف لیا گیا،رانا شمیم مسلم لیگ ن کے عہدیدار تھے، مقدمات آخری مراحل میں ہوتے ہیں تو سبوتاژ کرنے کی کوشش ہوتی ہے۔

وفاقی وزیر کا کہنا تھا کہ سعودی عرب کے شکر گزار ہیں اور آئی ایم ایف سے بھی معاملات طے پار ہے ہیں، اس ملک میں ایک ہی سیاسی جماعت ہے جسکا سپریم کورٹ سے مستند ہے کہ الیکشن چوری کرتے ہیں، 1990 میں انہوں نے بینظیر بھٹو کا  الیکشن چرایا تھا، یہ الگ بات ہے کہ پیپلز پارٹی نے ان کےساتھ ہاتھ ملایا ہوا ہے۔

انہوں نے کہا کہ ایسا کوئی ایکشن نہیں ہونا چاہیے جس سے آزادی رائے کا کوئی مسئلہ ہو، عاصمہ جہانگیر کانفرنس کے کے حوالے سے جو قانونا جرم ہو جیسے فنڈگ اس کے حوالے سے تحقیقات شروع ہو چکی ہیں۔

فواد چوہدری نے کہا کہ میں سمجھتا ہوں کیپٹن صفدر اور ان کی بیوی فلموں کا کام شروع کر لیں، اگر مریم کو لگتا ہے کہ آڈیو ان کے کیس کو مضبوط کر سکتی ہے تو اسے عدالت لے جائیں۔

انہوں نے مزید کہا کہ عالمی منڈی میں قیمتوں کا اثر2 ماہ میں ملک میں پہنچتا ہے، تیل کی قیمتیں نیچے جاتی رہیں تو مثبت اثر ہوگا، آئی ایم ایف کا معاہدہ آخری مراحل میں ہے۔