پاکستان ہاکی فیڈریشن ہیڈ کواٹرز لاہور میں چار دسمبر 1994 عالمی ہاکی کپ میں پاکستان کی یادگار فتح کے حوالے سے ایک پروقار تقریب کا انعاد ہوا جس میں صدر پاکستان ہاکی فیڈریشن برگیڈیئر ر خالد سجاد کھوکھر، سیکرٹری جنرل پی ایچ ایف و عالمی ہاکی چیمپئین 1994 ٹیم کے کھلاڑی و پرائیڈ آف پرفارمنس اولمپین آصف باجوہ، اولمپین احمد عالم، اولمپین خواجہ جنید نے شرکت کی۔
چیئرمین قومی ہاکی سلیکش کمیٹی اولمپین منظور جونیئر بھی خصوصی طور پر اس تقریب میں شریک ہوئے۔
اس پروقار تقریب میں صدر پاکستان ہاکی فیڈریشن برگیڈیئر رخالد سجاد کھوکھر نے دنیائے ہاکی میں پاکستان کا سبز ہلالی پرچم بلند کرنے والے کھلاڑیوں کو خراج تحسین پیش کیا اور انکو نوجوان کھلاڑیوں کے لئے مشعل راہ قرار دیا۔
صدر پی ایچ ایف نے اس موقع پر خصوصی طور پر اولمپین منصور احمد جو کہ عالمی ہاکی کپ کے ہیرو قرار پائے تھے انکی خدمات کو خراج عقیدت پیش کیا ۔
اس موقع پر دنیائے ہاکی میں سب سے زیادہ میڈلز کے حامل کھلاڑیوں میں شمار چیئر مین قومی ہاکی سلیکشن کیمٹی پرائیڈ آف پرفارمنس اولمپین منظور جونیئر نے اس تاریخی دن کو پاکستان کی فتح کے حوالے سے خصوصی خراج تحسین پیش کیا۔
تقریب میں اولمپین منصور احمد مرحوم، اولمپین نوید عالم مرحوم سمیت دیگر کے ایصال ثواب کے لئے فاتحہ خوانی بھی کرائی گئی۔
یاد رہے کہ1994 میں 23 نومبر تا 4 دسمبرآسٹریلیا کے شہر سڈنی میں عالمی ہاکی کپ کھیلا گیا تھا جس میں پاکستان نے ہالینڈ کو پینلٹی سٹروکس کی بنیاد پر ایک سنسنی خیز مقابلہ میں 3-4 گول سے شکست دیکر عالمی ہاکی چیمپین بننے کا اعزاز حاصل کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News