وزیر توانائی سندھ امتیاز شیخ کا کہنا ہے کہ وفاقی حکومت عوام کو کسی بھی قسم کا ریلیف دینے کا ارادہ نہیں رکھتی۔
انہوں نے اپنے بیان میں کہا کہ تبدیلی سرکار کے دور میں عوام کسی بھی قسم کے ریلیف کی توقع نہ رکھے۔
امتیاز شیخ نے کہا کہ عالمی منڈی میں پیٹرول کی قیمتیں گرنے کے باوجود پاکستان میں قیمتیں کم نہیں کی گئیں، وفاقی حکومت کو صرف اپنے اے ٹی ایمز کا خیال ہے۔
وزیر توانائی سندھ کا کہنا ہے کہ فیول ایڈجسٹمنٹ کے نام پر ہر ماہ عوام کی جیبوں پر اربوں روپے کا ڈاکہ ڈالا جاتا ہے، نیپرا کا اکتوبر کے بجلی کے بلوں پر 4.74 فی یونٹ وصول کرنے کا فیصلہ ظالمانہ اقدام ہے۔
امتیاز شیخ نے کہا کہ سوئی سدرن کی جانب سے گیس کی قیمتوں میں مبینہ اضافے کی تجویز کو مسترد کرتے ہیں، سندھ سب سے زیادہ گیس پیدا کرنے والا صوبہ ہے۔
انہوں نے مزید کہا کہ سندھ کے ساتھ حکمرانوں کے متعصبانہ رویے کی وجہ سے عوام کے اندر محرومیوں میں اضافہ ہورہا ہے، 10 دسمبر کو حکمرانوں کی عوام دشمن پالیسیوں اور مہنگائی کے خلاف بھرپور احتجاج کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News