بالی ووڈ کے ورسٹائل اداکار رنویر سنگھ کی ’’فلم 83‘‘ میں عمدہ پرفارمنس پر ہر کوئی انہیں داد دے رہا ہے تاہم تامل انڈسٹری کے سپر اسٹار رجنی کانت نے بھی فلم دیکھی جس پر انہوں نے کیا کہا؟

رنویر سنگھ کی ’’فلم 83‘‘  24 دسمبر کو بھارتی سینما گھروں کی زینت بنی اور فلم سب کو متاثر کر رہی ہے۔

رنویر اور دیپیکا پڈوکون نے اپنے بالی ووڈ دوستوں کے لیے ایک عظیم الشان پریمیئر کی میزبانی کی تھی اور سب نے شاندار پرفارمنس پر انہیں خوب داد دی تھی۔

کرن جوہر نے فلم کو سنگ میل بھی کہا تھا اب لگتا ہے کہ فلم نے بھارت میں سنیما کے دیوتا سمجھے جانے والے رجنی کانت کو بھی زبردست متاثر کیا ہے۔

اس خبر کو بھی پڑھیں: ’’فلم 83‘‘ کا بائیکاٹ کیوں؟

رجنی کانت نے سماجی رابطے کی ویب سائٹ ٹویٹر پر فلم کو دیکھنے کے بعد اس کی تعریف کی اور لکھا کہ واہ کیا فلم ہے، شاندار، پروڈیوسراور تمام کاسٹ اور عملے کو بہت بہت مبارکباد۔

#83TheMovie wow 👏🏻👏🏻 what a movie… magnificent!!! Many congratulations to the producers @kabirkhankk @therealkapildev @RanveerOfficial @JiivaOfficial and all the cast and crew …

— Rajinikanth (@rajinikanth) December 28, 2021

یہ واقعی پوری اسٹار کاسٹ کے لیے فخر کا لمحہ ہے کیونکہ تعریف سیدھے بالی ووڈ کے سپر اسٹار رجنی کانت نے کی ہے۔

یہ بھی پڑھیں: فلم’’83‘‘میں عالیہ بھٹ رنویر سنگھ کی اداکاری دیکھ کر دنگ رہ گئیں

یاد رہے عالیہ بھٹ نے بھی رنویر سنگھ کی اداکاری کی خوب تعریف کی تھی، فلم کے پریمیئر میں جب عالیہ سے پوچھا گیا تو انہوں نے کہا تھا کہ ’’اب میں کیا بولوں کچھ ہے ہی نہیں بولنے کو بہت ہی عمدہ اداکاری تھی‘‘۔ اداکارہ نے ازراہِ مذاق کہا تھا کہ فلم ریلیز ہونے کے بعد ایک لمبی ’’کتھا‘‘ لکھوں گی۔