انٹر نیٹ پر اپنا سکہ جمانے کے بعد دنیا کی مقبول اور متنازعہ ترین ایپ ٹک ٹاک نے امریکا میں ہوٹل کا کاروبار شروع کرنے کا اعلان کردیا ہے۔
گلف نیوز کےمطابق ٹک ٹاک ورچوئل ڈائننگ کانسیپٹ کے ساتھ امریکا میں ظہرانے کے لیے تقریبا 300 ہوٹل کھولنے کی منصوبہ بندی کر رہی ہے۔
ٹک ٹاک کی جانب سے آج اعلامیہ جاری کیا گیا، جس کے مطابق کمپنی نے لنچ ڈیلیوری کے لیے ورچوئل ڈائننگ کانسیپٹ کےساتھ شراکت داری کااعلان کردیا ہے۔ ٹک ٹاک کچن کا باقاعدہ آغاز آئندہ سال مارچ میں پورے امریکا میں کردیا جائے گا۔
کمنی کا کہنا ہے کہ فوڈ اور کھانے پکانے کی ترکیبیں ٹک ٹک ویب سائٹ پروگرامنگ کا ایک اہم حصہ بن گئیں ہیں جن پر لاکھوں ویوز آرہے ہیں۔ اس حوالےسے حال ہی میں جاری ہونے والی رپورٹ کے مطابق دنیا بھر میں ٹک ٹاک کے پلیٹ فارم پر آنے والے افراد کی تعداد 1 ارب سےتجاوز کر گئی ہے۔
ورچوئل ڈائننگ کانسیپٹس کام یابی سے سیلیبریٹی اور نان سیلے بریٹی ریسٹورینٹس کو پیچھے چھوڑ چکا ہے، جس میں نمایاں نام ’ مسٹر بیسٹ برگر‘ کا ہے جسے 2020 کے اواخر میں یو ٹیوب اسٹار جمی ڈونلڈ سن نے متعارف کرایا تھا۔
مسٹر بیسٹ نے تین ماہ کے عرصے میں 10 لاکھ برگر فروخت کیے تھے اور اب یہ امریکا، کینیڈا اور برطانیہ میں 1500 مقامات پر ہے۔
ورچوئل ڈائننگ کانسیپٹس کےشریک بانی رابرٹ ارل کا کہنا ہے کہ ابتدائی طور پر پورے امریکا میں لنچ کے لیے تقریبا300 ٹک ٹاک ریسٹورینٹ کھولنے کی منصوبہ بندی کی گئی ہے۔ توقع ہے کہ 2022 کے آخر تک یہ تعداد بڑھا کر 1 ہزار تک کردی جائے گی۔
ان کا کہنا تھا کہ ہمارے پاس ایک ایسا پلیٹ فارم ہے جس پر ماہانہ اربوں ناظرین مستقمل انگیج رہتے ہیں۔
ٹک ٹاک نینشل ہوٹل چینز کے علاوہ جن کچن (باورچی خانوں) کو آپریٹ کرے گا وہ ارل کی ملیت ہیں۔ جن میں Buca di Beppo اور Bertucci’s جیسے نمایاں نام بھی شامل ہیں۔
ٹک ٹاک کچن میں ایپ کے سب سے زیادہ وائرل ہونے والےفوڈ ٹرینڈزکی بنیاد پر مینیو ترتیب دیا جائے گا۔
مینیو میں 2021 میں گوگل پر سب سے زیادہ سرچ کی جانے والی ڈش فیٹا پاستا بھی شامل ہوگا۔ مینو میں پاستا چپس اور کوکڈ پاستا بھی شامل کرنے کا ارادہ ہے جنہیں پنیر کے ساتھ تلا جاتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News