فیصل آباد میں خواتین کو چوری کے الزام میں برہنہ کرکے تشدد کا نشانا بنانے کی ویڈیو وائرل ہوگئی۔

سوشل میڈیا پر خواتین پر تشدد کی ایک ویڈیو وائرل ہورہی ہے جس میں چند نوجوان خواتین کو برہنہ کرکے بدترین تشدد کا نشانہ بنارہے ہیں۔

سوشل میڈیا پر وائرل ہونے والی ویڈیو فیصل آباد کے تھانے ملت ٹاؤن کی ہے ، جہاں قریبی علاقے میں چند نوجوانوں نے دکان سے چوری کے الزام میں خواتین کو تشدد کا نشانہ بنانا شروع کیا اور یہاں تک کہ انہیں برہنہ کرکے مارتے رہے۔

Another very brutal incident of street justice happened in #Faisalabad where two women were brutally tortured nakedly on the allegations of theft. These are blur footages. 1/2 pic.twitter.com/jJCDHrT9fx

Advertisement

— Ahsan Rizvi (@AhsanAbbasShah) December 7, 2021

بعد ازاں ایک دکاندار نے خواین کو برہنہ کرنے کی ویڈیو بنائی اور پھر برہنہ حالت میں انہیں تشدد کا نشانہ بناتے رہے ، اس دوران ایک دکاندار ان کی ویڈیو بناتا رہا، وہ خواتین ان سنگدل مردوں کی منت سماجت کرتی رہیں کہ ہمیں معاف کردو، ہم نے کوئی چوری نہیں لیکن وہ بدبخت انہیں مسلسل تشدد کا نشانہ بناتے رہے۔

بعد ازاں ویڈیو سوشل میڈیا پر وائرل ہونے کے بعد پولیس نے کارروائی کرتے ہوئے 3 تمام ملزمان کو گرفتار کرلیا۔

سی پی او فیصل آباد نے کہا کہ ملزمان نے چوری کے شبے میں خواتین پر تشدد کرنے کے بعد انہیں برہنہ اور ویڈیو بنائی تاہم ویڈیو وائرل ہوتے ہی پولیس نے ایکشن لیتے ہوئے قانون کے مطابق کارروائی کی جب کہ ملزمان کو کڑی سے کڑی سزا دی جائے گی اور دیگر ملزمان کی گرفتاری کے لیے چھاپے مارے جارہے ہیں۔