Advertisement
Advertisement
Advertisement
Advertisement

پیسہ اور شہرت اہم نہیں ہیں، ثانیہ مرزا

Now Reading:

پیسہ اور شہرت اہم نہیں ہیں، ثانیہ مرزا
ثانیہ مرزا

پیسہ اور شہرت اہم نہیں ہیں، ثانیہ مرزا

سابق بھارتی ٹینس کھلاڑی ثانیہ مرزا نے کہا ہے کہ پیسہ اور شہرت کسی شخص کی زندگی میں سب سے اہم چیزیں نہیں ہیں۔

سابق بھارتی ٹینس کھلاڑی ثانیہ مرزا نے حال ہی میں ایک انٹرویو کے دوران اپنے ریٹائرمنٹ کے فیصلے، اپنی زندگی میں آنے والی تبدیلیوں اور اپنے شاندار اسپورٹس کیریئر سے سیکھے گئے وسیع تر زندگی کے اسباق پر بات کرنے کے لیے نمودار ہوئیں۔

ثانیہ مرزا نے اپنی ترقی اور پیشہ ورانہ ٹینس سے کنارہ کشی کی وجوہات کے بارے میں بھی اپنے خیالات کا اظہار کیا ہے۔

انہوں نے اپنے ریٹائرمنٹ کے فیصلے کی وضاحت کرتے ہوئے زور دیا اور بتایا کہ “بہت سے لوگوں نے میرے ریٹائرمنٹ کے فیصلے کے بارے میں پوچھا جو میرے لیے بہت اہم تھا۔”

انہوں نے مزید کہا ہے کہ، زندگی میں سب سے اہم چیزیں پیسہ، شہرت اور چیزیں نہیں ہیں۔ یہ عیش و عشرت کا حصہ ہیں۔

Advertisement

ثانیہ نے اس بات پر بھی زور دیا کہ زندگی میں ایسے لوگوں کی ضرورت ہے جو سچ بولتے ہیں اور میرے خیال میں حقیقت کے ساتھ رابطے میں رہنا بہت ضروری ہے، اور یہ جاننا کہ آپ کے لیے کیا اہم ہے، کون آپ کے لیے اہم ہے اور آپ کس کے لیے اہم ہیں۔

انٹرویو کے دوران جب ان سے پوچھا گیا کہ گزشتہ 10 سالوں میں انہوں نے اپنے آپ میں کیا تبدیلی دیکھی ہے، تو ثانیہ نے کہا کہ وہ اپنی عمر اور اپنے بچے کی وجہ سے زیادہ صبر کر چکی ہیں۔ انہوں نے مزید کہا، “میرے خیال میں جب آپ ماں بن جائیں، تو آپ کے لیے صبر کرنے کے علاوہ کوئی اور حل نہیں ہے۔”

انہوں نے کہا کہ انہیں خوشی ہے کہ وہ زیادہ صبر کرنے والی ہو گئی ہے اور کچھ کرنے یا کوئی فیصلہ کرنے سے پہلے بہت کچھ سوچتی ہے۔

ثانیہ کا مزید کہنا تھا کہ “میں نے اسپورٹس مین شپ سے جو تعلیم حاصل کی ہے، مجھے نہیں لگتا کہ میں اسے دنیا کی کسی کتاب سے سیکھ سکتی ہوں، آپ جانتے ہیں کہ آپ کے برے اور اچھے دن آتے ہیں، آپ جیتتے ہیں اور آپ ہارتے ہیں لیکن آپ دوبارہ کوشش کرتے ہیں اور آپ اپنے سے بہتر ہونے کی کوشش کرتے ہیں۔ “

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
گرمی کی شدت سے پریشان شخص کا انوکھا کارنامہ، ویڈیو وائرل
ثانیہ مرزا نے ذہنی سکون کا راز بتا دیا
مصنوعی ذہانت کے استعمال کیساتھ بڑھتی ہوئی گرمی کا توڑ متعارف
لیبر ڈے پر گوگل ڈوڈل مزدوروں کی محنت کیلئے وقف
اساتذہ اور طلباء کے درمیان جذباتی منظر کی ویڈیو وائرل
بھارتی شہری کا روبوٹ سے شادی کرنے کا فیصلہ
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر