گوگل نے اسمارٹ فون پر گیم کھیلنے کے شوقین افراد کے لیے اہم اعلان کرتے ہوئے کہا ہے کہ گیمنگ کے شوقین افراد اگلے سال سے ڈیسک ٹاپ کمپیوٹر پر بھی گوگل پلے گیمز سے محظوظ ہوسکیں گے۔
اس بات کا اعلان گوگل کے نمائندے نے آج امریکی ریاست لاس اینجلس کے مائیکرو سافٹ تھیٹر میں ہونے والے ’ گیم ایوارڈ 2021‘ کی تقریب میں کیا۔ ایوارڈ تقریب سے خطاب میں گوگل پلے اور اینڈروئیڈ کے پراڈکٹ ڈائریکٹر گریگ ہارٹیل کا کہنا تھا کہ ہم نئے سال کے آغاز سے ڈیسک ٹاپ پر ویڈیو گیمز کے دلدادہ افراد کی دیرینہ خواہش پوری کرنے جا رہے ہیں اور وہ 2022 میں’ گوگل پلے گیمز‘ ایپ کے ذریعے کمپیوٹر پر اینڈروئیڈ گیمز کھیل سکیں گے۔
Get ready to play your favorite @android games on your PC. Pick up where you left off anytime.
Google Play Games on PC, coming soon in 2022. Follow @GooglePlay to stay in the loop. pic.twitter.com/BfovbNSi5C
— The Game Awards (@thegameawards) December 10, 2021
’دی گیم ایوارڈ‘ تقریب کا انعقاد ہر سال دسمبر میں کیا جاتا ہے اورسال بھر سب سے زیادہ مقبول رہنے والے ویڈیو گیمز کواس ممتاز ایوارڈ سے نوازا جاتاہے۔
گریگ ہارٹیل نے مزید کہا کہ گوگل پلے کی مدد سے دنیا بھر میں کروڑوں افراد مختلف پلیٹ فارمز( اسمارٹ فون، ٹیبلیٹ، کروم او ایس ( آپریٹنگ سسٹم)ّ پر اپنے پسندیدہ گیمز کھیلتے ہیں۔ 2022 کے آغاز میں پلیئرز اپنے پسندیدہ گوگل پلے گیمز اسمارٹ فون، ٹیبلیٹ اور کروم بک کی قید سے آزاد ہوکربنا کسی مشکل کے مزید دوسری ڈیوائسز( ونڈوز کمپیوٹرز، آئی میک وغیرہ) پر استعمال کر سکیں گے۔ تاہم گوگل نے اپنے اس پراجیکٹ کے بارے میں مزید تفصیلات ظاہر نہیں کی ہیں کہ وہ کس طرح اینڈروئیڈ گیمز کو ڈیسک ٹاپ کمپوٹر پر لانے کی منصوبہ بندی کر رہا ہے۔
گوگل کے اس اعلان کے بارے میں ٹیکنالوجی ماہرین کا کہنا ہے کہ بہ ظاہر تو یہی دکھائی دیتا ہے کہ گوگل نے مائیکرو سافٹ کے ساتھ شراکت داری کیے بنا ہی کوئی ایپلی کیشن بنا لی ہے۔ جس کی مدد سے کھلاڑیوں کو اپنے گیمز کو گوگل کی ڈیوائسز پر کھیلنے کے بعد ڈیسک ٹاپ کمپیوٹر پر جاری رکھنے کی اجازت دی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News