بٹ کوائن کو دنیا کی سب سے مہنگی اور تغیر پذیر کرنسی ہونے کا اعزاز حاصل ہے، یہ کرنسی ایک لمحے میں کسی کو فرش سے عرش پر پہنچا دیتی ہے تو اگلے ہی لمحے ارب پتی کو کنگال کردیتی ہے۔
دنیا بھر میں کرپٹو کرنسی کو اپنانے میں سب سے بڑی رکاوٹ اس کی مائننگ سے پیدا ہونے والا کاربن کا اخراج اور توانائی کا بہت زیادہ استعمال ہے۔ تاہم دنیا بھر کے کمپیوٹر کے لیے سیمی کنڈکٹرز بنانے والی کمپنی انٹیل نے جلد ہی اس مشکل کا حل پیش کرنے کا اعلان کردیا ہے۔
انٹیل کےسینئر نائب صدر راجا کودری نے اگلے ماہ ہونے والی انٹر نیشنل سولڈ اسٹیٹ سرکؔٹس کانفرنس( آئی ایس ایس سی سی ) میں کم سے کم توانائی استعمال کرنے والی چپ پیش کرنے کا عندیہ دیا ہے۔
اس بارے میں ان کا کہنا ہے کہ انٹیل بٹ کوائن کی مائننگ کو زیادہ انرجی ایفیشیئنٹ بنانے کے لیے پُر عزم ہے۔ اور اگلے ماہ ہونے والی کانفرنس میں انٹیل کی ’ بونینزا مائن چپ ‘ کو پیش کیا جائے گا، جسے خصوصی طور پر بٹ کوائن کی ایپلی کیشن اسپیسفک انٹیگریٹڈ سرکٹ(ASIC) کی مائننگ کے لیےبنایا گیا ہے۔
انٹیل کی جانب سے اس نئی چپ کے بارے میں مزید تفصیلات ظاہر نہیں کی گئی ہیں تاہم ممکنہ طور پر اسے 23 فروری کو کیلی فورنیا میں ہونے والی کانفرنس کے ’ہائی لائٹڈ چپ ریلیزیز‘ زمرے میں پیش کیا جائے گا۔
جب کہ یہ بات بھی ابھی تک واضح نہیں ہے کہ کانفرنس میں اس چپ کو تجارتی بنیادوں پرپیش کیا جائے گا یا اس کے تجرباتی نمونے کو۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News