وزیر اعلیٰ بلوچستان میر عبد القدوس بزنجو نے تربت میں غیر قانونی شکار اور جنگلات کی کٹائی کا نوٹس لے لیا ہے۔
تفصیلات کے مطابق وزیر اعلیٰ نے سماجی رابطوں کی ویب سائٹ کے زریعہ ملنے والی اطلاعات پر کمشنر مکران سے رپورٹ طلب کر لی۔
انہوں نے تمام کمشنرز کو محکمہ داخلہ کی رہنمائی اور معاونت سے غیر قانونی شکار روکنے کی ہدایت جاری کردی۔
وزیر اعلیٰ بلوچستان نے متعلقہ اداروں کو حکم دیا ہے کہ غیر قانونی شکار میں ملوث عناصر کے خلاف وائلڈ لائف پروٹیکشن ایکٹ کے تحت کاروائی کی جائے، جنگلات کی غیر قانونی کٹائی روکنے کے لئے بھی موثر لائحہ عمل بنایا جائے۔
میر عبد القدوس بزنجو کا کہنا تھا کہ محکمہ جنگلات و جنگلی حیات کے اہلکاروں کو غیر قانونی شکار اور جنگلات کی کٹائی روکنے کے لئے فعال کیا جائے۔
وزیر اعلیٰ بلوچستان میر عبد القدوس بزنجو نے جنگلات و جنگلی حیات کے تحفظ کے قوانین کے سختی سے نفاذ کی ہدایت کرتے ہوئے کہا کہ تفریح اور مالی فائدے کے لئے ماحولیات نظام کو تباہ کرنے کی اجازت نہیں دی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News