پارلیمانی لیڈر و جنرل سیکرٹری پیپلزپارٹی وسطی پنجاب سید حسن مرتضی کا کہنا ہے کہ ایک نااہل وزیراعظم کو اپنی نکمی کابینہ کی تعریف کرتے پہلے بار دیکھا ہے۔
اپنے جاری کردہ بیان میں پارلیمانی لیڈر و جنرل سیکرٹری پیپلزپارٹی وسطی پنجاب سید حسن مرتضی نے کہا کہ وزیراعظم آج بدترین کارکردگی پر اپنے وزرا میں تعریفی سرٹیفیکٹیس تقسیم کریں گے۔
حسن مرتضیٰ نے کہا کہ ایک نا اہل وزیر اعظم کو اپنی نکمی کابینہ کی تعریف کرتے پہلے بار دیکھا ہے، وزیراعظم اپنے منہ میاں مٹھو بننے کی بجائے عوام میں نکلیں تو اپنی اصل تعریف معلوم ہو۔
حسن مرتضیٰ کا کہنا تھا کہ بہترین وزرا کی شاندار کارکردگی یہ ہے کہ عوام سستی چینی اور آٹے کے حصول کے لئے رُل گئے، وزیراعظم اپنے وزیروں کو شاندار کارکردگی پر نہیں شاندار کرپشن پر تعریفی سرٹیفیکیٹس دیں۔
پارلیمانی لیڈر نے کہا کہ اعظم سواتی، علیم خان، عامر کیانی اور سمیع اللہ چوہدری کو عوام کی جیب پر ڈاکہ ڈالنے پر وزیراعظم تعریفی سرٹیفیکیٹس دیں جبکہ ظفر مرزا ، ندیم بابر، فردوس عاشق اعوان، اجمل وزیر اور خسرو بختیار کو باکمال نا لائقی اور بے مثال کرپشن پر تعریفی اسناد دیں۔
انہوں نے مزید کہا کہ سرکاری ملازمین کی تنخواہوں میں پندرہ فیصد اضافہ اُونٹ کے منہ میں زیرہ ہے جبکہ پاکستان پیپلزپارٹی نے اپنے سابقہ دورِ حکومت میں سرکاری ملازمین کی تنخواہوں میں ڈیڑھ سو فیصد اضافہ کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News