دنیا میں جب بھی کہیں جنگ ہوتی ہے تو اس کے ساتھ کئی قصے اور کہانیاں جنم لیتے ہیں جو صدیوں تک نسل در نسل آگے بڑھتے رہتے ہیں۔ ان میں سے کئی سچے ہوتے ہیں تو کئی جھوٹے۔
ایسا ہی ایک قصہ روس اور یوکرین جنگ کے درمیان شروع ہوا ہے جسے “گھوسٹ آف کیف یعنی کیف کا بھوت نام دیا گیا ہے۔
سوشل میڈیا پر ایک ایسے یوکرینی فائٹر طیارے کے کلپس وائرل ہورہے ہیں، جس نے مبینہ طور پر ایک ساتھ 6 روسی طیاروں کو مار گرایا۔
ان کلپس کے بارے میں بہت سے لوگوں کا خیال ہے کہ یہ ایک پراسرار پائلٹ کے کارناموں کا ثبوت ہیں جسے “کیف کا بھوت” کہا جاتا ہے۔
لیکن کیا یہ اصلی ہے؟
جی نہیں، یہ دراصل 2013 کے پی سی گیم، ڈیجیٹل کامبیٹ سمیلیٹر: ورلڈ کی فوٹیج تھی۔
جیسے ہی یوکرین پر روس کا حملہ دوسرے دن میں داخل ہوا، افواہیں گردش کرنے لگیں کہ یوکرین کے لڑاکا پائلٹ متعدد روسی اہداف کو تباہ کرنے کے ذمہ دار ہیں۔
یوکرین کی مسلح افواج کے جنرل اسٹاف نے دعویٰ کیا کہ جمعرات کی صبح پانچ روسی طیارے اور ایک ہیلی کاپٹر کو مار گرایا گیا، تاہم روس نے نقصانات کی تردید کی ہے۔
اس وقت تک یوکرین کے دارالحکومت کیف کے ارد گرد ایک فائٹر جیٹ کے چکر لگانے کے واضح کلپس پہلے ہی سوشل میڈیا پر پھیل چکے تھے۔
کچھ لوگ مار گرائے جانے والے روسی فضائیہ کے ثبوت تلاش کرنے گئے، اور کیونکہ انٹرنیٹ ہمیشہ آپ کو وہی کچھ دے گا جس کی آپ تلاش کر رہے ہیں اس تناظر کے برعکس کہ آیا یہ حقیقی ہے یا نہیں۔
اس طرح “گوسٹ آف کیف” کی بظاہر فوٹیج کو وائرل ہونے میں زیادہ وقت نہیں لگا۔ 25 فروری تک ذیل میں دی گئی ویڈیو وائرل ہو گئی۔
#BREAKING
Crazy footage of a MiG-29 of the Ukrainian Air Force shooting down a Su-35 fighter jet of #Russia’s Air Force over Ukraine’s capital #Kyiv today. Likely using the R-73 infrared homing missile. #Ukraine #RussiaInvadesUkraine #worldwar3 #WorldWarIII #WWIII pic.twitter.com/MWGRfhnexB— Ukrainelive (@Ukrainelive5) February 25, 2022
بعد ازاں اسنوپس، روئٹرز اور دیگر نے تصدیق کی کہ فوٹیج دراصل یوٹیوب ویڈیو کی تھی۔ ویڈیو کی تفصیل میں صارف Comrade_Corb نے لکھا کہ، “یہ فوٹیج DCS کی ہے، لیکن اس کے باوجود ‘The Ghost of Kiev’ کے احترام میں بنائی گئی ہے۔ اگر وہ حقیقی ہے تو خدا اس کے ساتھ ہو۔ اگر وہ جعلی ہے تو میں ‘اس’ جیسے مزید کے لیے دعا کرتا ہوں۔
AdvertisementUkrainian pilot who is 6-0 shoots down a Russian Su-35 with his Mig-29. He’s been nicknamed the ghost of Kyiv, and is the first pilot since WW2 to achieve ace status! pic.twitter.com/WsoadzLrdQ
— Olegi 🇺🇦 (@ItsOlegi21) February 25, 2022
پھر بھی، ایک نظر میں اس ویڈیو کو دیکھنا وہم پیدا کرسکتا ہے کیونکہ اسے اس طرح ڈیزائن کیا گیا ہے جیسے اسے اسمارٹ فون کے عمودی ایسپیکٹ تناسب کے ساتھ فلمایا گیا ہو، اور لوگوں کو پس منظر میں بے ساختہ تبصرہ کرتے ہوئے سنا جا سکتا ہے۔
ڈیجیٹل کامبیٹ سمیلیٹر ایک وسیع پیمانے پر جاری کردہ فری ٹو پلے فلائٹ سمیلیٹر تھا جو اب ایک دہائی سے زیادہ پرانا ہوچکا ہے۔
یہ Eagle Dynamics کا تیار کردہ ہے،جو روس میں قائم کی گئی ایک کمپنی تھی، لیکن اب اس کا صدر دفتر سوئٹزرلینڈ میں ہے۔
اس میں دنیا کا ڈیفالٹ نقشہ روس، جارجیا اور کریمیا کے قریب قفقاز کے علاقے میں ترتیب دیا گیا ہے۔
Eagle Dynamics کے ترجمان، Matthias Techmanski نے رائٹرز کو تصدیق کی کہ سوشل میڈیا پر جنگل کی آگ کی طرح پھیلنے والی یوٹیوب کی خیالی ویڈیو درحقیقت ڈی سی ایس کی تھی۔
انہوں نے کہا کہ “ہم اس کو وائرل کرنے کے ذمہ دار نہیں ہیں، اور نہ ہی ہم ایسے مواد کی توثیق کرتے ہیں۔”
کچھ میڈیا آؤٹ لیٹس نے وائرل کلپ کا “غلط عنوان والی ویڈیو” کے طور پر حوالہ دیا ہے اور ٹویٹر نے اس کے کچھ سب سے زیادہ پسند کیے جانے والے اور ری ٹویٹ کیے گئے ورژن کو “سیاق و سباق سے ہٹ کر پیش کیا گیا میڈیا” کے طور پر فلیگ کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News