ڈاکٹر یاسمین راشد نے کہا ہے کہ مدر اینڈ چائلڈ اسپتال اٹک کا دسمبر میں افتتاح کر کے عوام کیلئے کھول دیں گے۔
صوبائی وزیر صحت ڈاکٹر یاسمین راشد زیرتعمیر مدر اینڈ چائلڈ اسپتال اٹک کی سائٹ پر پہنچیں جہاں انہوں نے اسپتال کا تفصیلی دورہ کر کے جاری پیش رفت کا جائزہ لیا۔
صوبائی وزیر سید یاوربخاری، ڈی سی اٹک اور متعلقہ افسران بھی وزیر صحت ڈاکٹر یاسمین راشد کے ہمراہ تھے۔
ڈی سی اٹک اور متعلقہ افسران نے ڈاکٹریاسمین راشد کو زیرتعمیر مدر اینڈ چائلڈ اسپتال پر جاری پیش رفت کے بارے میں بریفنگ دی۔
وزیر صحت ڈاکٹر یاسمین راشد نے اس ضمن اظہارخیال کرتے ہوئے کہا کہ مدر اینڈ چائلڈ اسپتال اٹک میں ماں اور بچہ کی تمام سہولیات فراہم کی جائیں گی یہ اسپتال ہزاروں ماؤں اور بچوں کی زندگی کا ضامن ہوگا۔
انہوں نے کہا کہ مدر اینڈ چائلڈ اسپتال اٹک کو مقررہ وقت پر مکمل کریں گے اور دسمبر میں افتتاح کر کے عوام کیلئے کھول دیں گے۔
صوبائی وزیر کا کہنا ہے کہ مدر اینڈ چائلڈ اسپتال اٹک میں ڈاکٹرز اور نرسز کی رہائش گاہیں بھی بنائی جائیں گی، وزیراعظم عمران خان کے ویژن کے مطابق تمام مدر اینڈ چائلڈ اسپتالوں کو تعمیرکیا جارہا ہے۔
یاسمین راشد نے کہا کہ پنجاب میں تمام نئے مدر اینڈ چائلڈ اسپتال بنانے کا کریڈٹ وزیراعظم عمران خان اور وزیراعلیٰ پنجاب سردار عثمان بزدار کو جاتا ہے۔
انکا کہنا ہے کہ پنجاب کی تاریخ میں کسی بھی حکومت نے عوام کو صحت کے شعبہ میں اتنی سہولیات فراہم نہیں کی تھیں، عمران خان چاہتے ہیں کہ کسی کو صحت کی سہولیات کی فراہمی میں دشواری پیش نہ آئے۔
ڈاکٹر یاسمین راشد نے مزید کہا کہ آج پوری دنیا پنجاب کے صحت کے شعبہ میں ترقی کو عزت کی نگاہ سے دیکھ رہی ہے اور محکمہ صحت میں 48ہزار سے زائد نوکریاں دینے کا کریڈٹ بھی تحریک انصاف کی حکومت کو جاتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News