وزیرِ اعظم عمران خان کے جلسے میں لگنے والے نعرے کی گونج بھارت تک پہنچ گئی ہے۔
بھارت کے معروف نیوز ٹک شو “براس ٹیکس” میں بھارتی میزبان نے پاکستانی خاتون صحافی موناعالم سے سوال کیا کہ “ہم دیکھتے ہیں پاکستانی معیشت کی حالت مخدوش ہے، کرنسی کی قدر گرتی جارہی ہے۔ لیکن حیرت انگیز بات یہ ہے کہ جب عوام کی جانب سے ڈیزل کے نعرے لگائے جاتے ہیں تو عمران خان کہتے ہیں میں اس پر بعد میں آؤں گا۔”
میزبان نے مونا سے سوال کیا کہ “کیا وزیراعظم کو عوام کی پرواہ نہیں ہے؟”
بھارتی میزبان کا سوال سننے کے بعد پاکستانی صحافی مونا عالم نے بہت مشکل سے اپنی ہنسی کو قابو کرتے ہوئے جواب دیا کہ “آپ جو سمجھ رہی ہیں یہ وہ ڈیزل نہیں ہے۔”
انہوں نے کہا کہ “درحقیقت پاکستانی عوام جس ڈیزل کا تذکرہ کر رہے ہیں وہ فیول ڈیزل نہیں بلکہ اپوزیشن جماعتوں کے اتحاد پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان ہیں۔”
پاکستانی خاتون صحافی کے اس جواب پر بھارتی اینکر بھی مسکراہٹ پر قابو نہیں رکھ سکیں اور مسکرا دیں۔
مولانا فضل الرحمٰن کی ہمسایہ ملک میں دھوم#عدم_اعتماد_بیرونی_سازش pic.twitter.com/32dl9G4Unn
— Full Toss (@fulltosspk) March 29, 2022
خیال رہے کہ لوئر دیر میں جلسے سے خطاب کے لیے جب وزیراعظم اسٹیج پر آئے تو عوام نے “ڈیزل ڈیزل” کے نعرے لگانے شروع کر دیئے، جس پر وزیراعظم نے کہا، “مجھے آرمی چیف نے کہا کہ مولانا فضل الرحمان کو ڈیزل نہ کہنا، میں نے آرمی چیف سے کہا کہ عوام نے فضل الرحمان کا نام ڈیزل رکھا ہے۔”
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News